ويــن أنــــــــــت ؟ ؟

ياللي ملكت القلب با أحلى طبايعك=وياللي غلاك بخافقي ماله حدود
وين أنت عني ما تجيني واطالعك=ترى بشوفك يكتمل كل مقصود
ممشاك قدمي والتفاتك وبرقعك=وعينك ليا سلهمت ورموشك السود
وكلامك الراقي وطيبة تواضعك=هي منوتي ودواي وأعيش محسود
ترى السعادة والفرح يوم أنا معك=وإلا غيابك سبب جروح ولهود
وتكثر همومي لا تذكرت شارعك=وصبري على بعدك ليا غبت محدود
وتلقاني أسأل عنك وايضاً متابعك=وأقول وينك غبت يا ناعم العود
وين أنت ما ترجع وتمسح مواجعك=طول غيابك وأنت مدري متى تعود
تعال يمي وأيسر الصدر يا سعك=واسكن لحالك ما معك ناس وحشود
تعال لا تبطي ترى القلب طامعك=وخلك معي في كل الأيام موجود
وعطني يدينك واستمع وأتسمعك=ومعك انتباهي لا تكلمت مشدود
وآمر وأنا في كل الاحوال طايعك=آمر تراني فدوة عيونك السود