( طبيب ماهرٍ بالجراحه )

/
/
/
/
/
/
/
/
/
/
/

ياسعد كانك من عنا الوقت مجروح=خذني طبيـبٍ ماهـر ٍ بالجراحـه
اشرح لكم وصفه للاسقام وتـروح=اللي على قلبـك تزيـل انشراحـه
ان كانها من ود عذري غزا الروح=ضاقت عليك الارض بعد المساحـه
من واحد ٍ بينك وبينه جـرا بـوح=ابديت لـه حبـك وبـان ارتياحـه
وماذقت في حبه غبوق ٍ ولا اصبوح=طلع نصيبك منـه حـزن ونياحـه
سبة فراقه حد قلبك علـى النـوح=حطّم لك احـلام الهنـا والفساحـه
هذا قدركم خطه الله علـى اللـوح=ومن يقبل المقسوم يبشـر براحـه
وان عشت في ذكراه بتموت مذبوح=زبـدة تجاربنـا وخذهـا صراحـه
الجرح مايبرا ليـا صـار مفتـوح=وحسّره على الخوّان تحسب وقاحه
وما كل سوق يعوّد بخير وربـوح=والما يميّز مالحـه مـن قراحـه
والصبر عادة كل زيزوم طحطـوح=مابتشـكـي والتـوجـد فـلاحـه
دامك تمد الساق بالارض وتسـوح=تبدي لك الايـام وجـه السماحـه
تحرمك مملوح ٍ تعوضـك مملـوح=وتلقى بديله فـي علاقـه مباحـه

الشاعر/ خالد بن عبيد بن معتوق ألأحمدي