من روائع الشاعر قميش القريقري(رحمه الله)0""""""

الشاعر / قميش بن فالح القريقري الزبيدي الحربي
فقدنا قبل ايام شاعر علم من فحول شعراء الكسرة وأحد أعلامها الكبار 0
حتى قيل انه (دكتور الكسره) 0(رحمه الله وغفرله واسكنه فسيح جناته)0
وكان رحمه الله يسكن ثـــــول 0
للفقيد رحمه الله رصيد لايستهان به من كسرات متنوعة الأغراض لها شهره
وانتشار بين
عشاق هذا الفن في كل مكان0

ومن اشهر كسراته رحمه الله=
أسّـست لـَك نـهر من دمْــعي = تجرِي جميع البواخر فيه
لا وين يا هاجري بَنـْـعِي ؟ = حُـبّك بلاني وحاير فيه

وله ايضا=
سلام يا صحابنـا هيـدو=والا عليكم نشن هجـوم
بالواكس وأسراب ترنيدو=حتى الشبح والفضا ملغوم

وله ايضا=
الناس سطح القمر وصلت= والواد تــوّه تعلـّم وط
اخذت من العلم واستكفت= وانا وحبيبي فشيل وحـــط

ومن كسراته المشهوره ايضا رحمه الله=
ماللهوى بنك للتقصيـد=يوخذ منه كاش ويسـدّد
ابغاك فيما وصلت تفيـد=ويسير عنك الخبر مُسند
ورد عليه الجـحـدلـي =
له فرع يفتح نهار العيد=بشيك محـدود مايجـدد
عطفه لمن يشتهي ويريد=ظالم ومع ظلمه مؤيـد

من زهورات الشاعر قميش القريقري=
فالموقف الحاسـم المحـرج =إعتـل قلبـي لجـل همسـه
مثل الدرامـا مـع المخـرج=ماسه لذعنـي قبـل لمسـه
وله ايضا=
يطيب لاشـاف نـاس أكثـر =النـوم لعيونـهـم جـافـي
ومصيبتـه حجمهـا يصغـر =لجل الـذي نورهـم طافـي

لاويـن مـن دمنـا نحـرق= يصحابنـا إنتـم حرقتـونـا
من طلعة الشمس للمشـرق = وش صابكـم مارحمتـونـا

وله ايضا=
في بحر الأشـواق سافرنـا=حتى نزلنـا علـى شاطيـه
وهنـاك خـيـم معسكـرنـا=بإسلـوب والنـاس تسفتيـه
لاعسعـس الليـل أبحـرنـا=وليا اصبح الصبح نمسي فيه
يـامـا ويـامـا تخيـرنـا=هـذا نبيعـه وذا نشـريـه

وله ايضا =
البارحه في رياض الحب= ألقيت فالمهرجان اخطاب
إن الهوى منوجد له طب=إلا التوسل بدون اعتاب

وله ايضا=
الود مشيه يجـي بوصـول=يمشي علـى فنـه الرايـق
وانته مودتـك فيهـا خلـول=ودك معايـه مهـو لايــق
اوقات تمشي معي بسهـول=واوقات تمشي معي ضايـق
قايست الافكـار والمعقـول=وانك علـى سـدي موايـق
لك قصر وسط الحشا من لول=فالعمق يشبه جبـل طـارق

وله ايضا=
سميتني ياحبيبي سَمْ=سميت لي يالغضي حالي
سم الأفاعي يجي فالدم= وسمك على القلب طوالي

وله ايضا=
كيف الهوى صار فيه ارهاب= وفيه اختطافات جبريه
فيه التعند وفيه اضراب= وفيه الرؤوس النوويه

لغزأرسل له قبل 35سنه من ابو قويس=
حَرّم وإن كان تهوى بـه=ويحل لك كـان ماتهـواه
في قـول ربـي وفكتابـه=علما مؤكد حديث قضـاه
ورد عليه الشاعر قميش =
لجل النبي حذّر أصحابـه =الكاس حرم وراح سـراه
في جنة الخلد يحظى بـه =وحرم على الزول في دنياه

يقول في خاطره له=
عايش على حر نار الشوق = ونيران الأشواق تكوينـي
يا سامك العرش ياللي فوق = من جور ظلمه تنجّينـي

سبرت بحر الهوى وليـاه = تسعين قامه ولا له حـد
وليا صفا الموج يا محـلاه = وإن عكّر الموج ما له ضد
زاده نمو الجسـد وغـذاه = وجناته الخضر ما تنعـد
كم حي في ذا الملا أفنـاه =أحد شقاوي وأحد مسعد

مـن شرقهـا ليـن حتـى تغيـب=أرعـــى خـيـالــه و أتــرجــاه
عايش على الأسر و التعذيب=و الـوقـت مـــا لـمّـنـي ويـــاه

يامـا و يامـا و يامـا كــان=و ياما عملت الأسـى فيّـه
الناس تعمل معي باحسان=و انت الـذي تعمـل السيّـه

صاح المنادي و عوّد ون=وين الذي في المنـام ألقـاه
غزال حـاوي جميـع الفـن=و اليوم دود القبـر يرعـاه

و حينما زاره أحد أصدقائه قال =
لقيتـنـي و ارتـفـع راســـي=و بوجودكم زاد عزي عز
ياللي سـواة الجيـل راسـي=لو هـزت الريـح مـا يهتـز

الجو يغـري مـع النسمـات=و هب الهوى من مصايفنا
ليلـة فرحهـا طلـع باثـبـات=الـلـي بـهـا الـحــظ حالـفـنـا

هذه من حمود

يقول حمود الجحدلي =
أشكي لمن و السبب عينـي=و أشرح لمن قصتي ويلاه
ويـــلاه طـرفــه مآسـيـنـي=قتّـال سبـحـان مــن ســواه
الرد من قميش القريقري=
لا تقـول طـرفـي معاضيـنـي=و ذاك طـرفـه رمـانــا بـــداه
هـــذي شـــروط المحـبـيـنـي=رغماً عن المرء دون رضاه

و هذه لأحد الشعراء =
يا قميش حالي عليّـه زاد=دوّر دوا لــــي داويــنــي
رماني أبو رموش احداد=مثل السهم يـوم يرمينـي
الرد من قميش القريقري =
أنصحك لا تشتقي يا استاد=لــكــل دولــــه سـلاطـيـنـي
علـم طلبتـه فـي سـد امـهـاد=و من دونهـا البعـد حادينـي

حامد

يقول حامد الشريقي =
يا قميش يا قميش ما شفته= أبو هدب و العيون وسـاع
كـنـه مــن الـحـور حلّـيـتـه= زينه أتى من جميع أنـواع
الرد من قميش القريقري=
شـفـتـه و لـكـنــي تـركّـتــه=لجل ان فيه الامل قد ضاع
قلـبـي عـلـى شـانـه أتعبـتـه=الـخـايـن الـمـاكـر الـخــدّاع

محاورته مع مساعد الرحيلي قال مساعد=
صدفت لي حي لآبس تاج = وقلت من توجـك يـا ذا
قال الذي خالق الأمـواج = وخالق النـاس يـا هـذا
أذكر خير قلت قلبي هـاج = عاشق لشخصك خبر ماذا
أقسم قسم إن صوبي ضاج = قفـوا وإحساسـنـا لآذا
الرد قميـش القريقـري يرحمه الله =
سمعت لي علم فيه إزعـاج = ومن ذا النبأ قلبي إعتـاذا
التاج تحية علـم وأفـواج = وإسعاف للناس وإنقـاذا
والعلم مثل النجوم أبـراج = ما يملكـة كـل شـذاذا
ياللي درست أفهم الإخراج = فرعون ما والـف امعـاذا

وفي محاوره مع حامد الجحدلي يقول قميش =
من شرقها لين حتى تغيـب = ارعـى خيالـه واترجّـاه
عايش على الأسر والتعذيب = والوقت مـا لمِّنـي ويّـاه
الرد من حامد الجحدلي : =
هيا اسمع القـول بالترتيـب = كل جوابه حسـب دعـواه
انته خياله معـك شيثيـب = ودك عن الغيـب وش درّاه
قميـش القريقـري : =
ماتدري ان النصيب يصيب = ويا كم قلب الشقـي ودّاه
لصالـه البعـد والتقريـب = ما بين نجم الجـدي والجـاه
حامـد الجحـدلـي : =
ادري وبحر الغـرام مهيـب = قليل فالنـاس مـن يقـواه
إلا ممارس مـع التجريـب = ليا اختلف يتجـه مرسـاه
قميـش القريقـري : =
تدري يا دكتور فالتطبيـب = ويا تاقن القول فـي معنـاه
متى جريح الغـرام يطيـب = اللي ظروف الزمـن تحـداه
حامـد الجحـدلـي: =
ادري وجرح الغرام مريـب = يدخل على القلب سد اعضاه
سلطة على الشب لين يشيب = ماله دواء عـن عزايـم داه

هذه قصيده له بمناسبة حلول عيد الفطر =
جتني رسايلهم معاني لهـا ذوق = فيها الوفا مرسوم والطيب يبقى
كل(ن) يهني من معزه ومن شوق = أفراحهم في ليل الأعيـاد ترقـى
واجب عليَ الرد لو كنت مسبوق = أبدع لهم من روض الأشعار طرقا
يامرحبا ترحيب والمنزلـه فـوق = ولاجابها الله بين الأحباب فرقـا
واوزع البسمة على كل مخلـوق = عسى لياليهم بالأفـراح شرقـا

الشاعر ( عبيدالله أبو زاهـرة) =
يا جرح وسط الحشا هـوّن = هوِّن على المشتكي يا جُـرح
مرقـام فالجـوف متمكِّـن = وأهل الهوى يعرفون الشـرح
أنا أعرف اللي تسبـب مـن = ما أبوح باسمـه ولا أصـرِّح
أسعى على معالجـه لكِـن = حال الموديـن مـا يسمـح
الرد من الشاعر قميش القريقري =
أهملـت ليـن السُقُـم دوَّن = حتى بنى فالحشا لـه صـرح
واليـوم ثابـي ومتـكـوِّن = كل ما إنتهى الجرح عوّد قرح
لين المـرض صـار متأمِـن = ما عاد ينفع معـاه الصلـح
منهو من أهل الهوى يضمـن = علاج وأنته عطيتـه فسـح

يقول الشاعر صالح الطياري=
حظي تعند معي ياقميش=وحطني في وسط صحرا
البعض يهنا بلذيذ العيش=وديارهم كلهـا خضـرا
رد عليه ابو زكريا =
ياصالح أنت عقيد الجيـش=تمشي مع البدو والحضرا
أنا الحصى أحسبه كورنيش=من سطوة أيامنـا القشـرا

وفي محاوره مع عاشق الاصاله يقول قميش =
يا ذات الأفكــــــار من يخبـــر = ويفيــــد من فهم متقدم
في سؤال مطروح نستفسر = ويرد مـــــردود له نفــــهم
متيم الــــــود وش يبصــــــــر =لا صار ليل الدجى مظلم
ومستيســــــره للعناد مسر = ومن جور الأحداث متعلم
الرد من عاشق الأصالة =
ياكنق منك ا لحكم يصدر =ابشربسعدك ترى ياعم
لاساربدرب الهوى مدبر =لاجاك اصحى تقوله سم
قوله فؤ ادي بعدك ابحر =والماءلنه انكب مايلم
وانسى من هوسقاك المر= تلقى بديله وتنسى الهم

يقول قميش القريقري=
سلام من منهج التصنيف =اللي على بند باب الـود
فالقيل مانبغي التحريـف= اللي عليه الحقيقة تعـد
الرد من حامد عبدالحميد =
ترحيب من لايق التأليف= يفيدكم حسـب مايوجـد
من بعد ماراجع الإرشيف= هذا الهوى بين جزر ومد

ويقول قميش=
الحـظ ياستـاذ لاأقبل =ا لمرء يسعـد ويحظابـه
كل الصعوبات له تسهـل =مايتعب الناس تشقى بـه
الرد من راجح الجحدلي =
حكمك على الحظ مستعجل= يلزمك تسأل عن أسبابه
حظيت في أنسك المأمل= اللي أبى كان يسخى بـه

وفي محاورته مع محمد جمعه يقول =
حضرت ليله فاراضيكم = بخلاف سالف أراضينا
يالشاعر قميش نرجيكم = عطني افادة رجاوينـا
غصنين غنى مغنيكـم =واربع يغنـي مغنينـا
رد عليه قميش =
شلى ياجمعـه معنيكـم =فالمنتدى انـت تنادينـا
الوضع ماهو بمرضيكـم= ولا مـرادك تجاريـنـا
غصنين يمكن ماتكفيكـم = واحنا يابو عديس تكفينا
وعن حد قصرت معانيكم = فالدين معروف ياخينـا
ومهما مشيتوا نماشيكـم = بالطيب نبنـى معانينـا

يقول قابل البشري=
سلام والجـو دوبـه راق=والأنس دوب ابتدى ليله
نبغى المثل يصعد الآفـاق=ونجني معاكم محاصيله
قميش القريقري=
ترحيب مثل الحيا لانساق=وبله نزل وانحدر سيلـه
وانا لشرح المثـل تـوّاق=عجل عليّـه بتفصيلـه
قابل البشري=
اللي يعاني من الأشـواق=ولحن الأسى في مواويله
له حق فالوصل واستحقاق=إن كان يوفون له كيلـه
قميش القريقري=
زادي صبر مر ماينطـاق=من ظلمه القلب ياويلـه
سهران واخايـل البـراق=اللي ماهلـت هماليلـه
قابل البشري=
مانته معي بالقدم والساق=عن دربي أعطيت تحويله
واناانتظر منك ياعمـلاق=الميل تسعـى لتعديلـه
قميش القريقري=
يقوله اللي معـك مابـاق=الحرف يعرف تشاكيلـه
مادام موج البحر صفـاق=داري مساعيك وامشي له
قابل البشري=
لاني مقصر ولاني عـاق=موفيه حقـه وتكميلـه
أساهر النجـم للمشـراق=من حال تخفى دواليلـه
قميش القريقري=
مادام ماسك معك ميثـاق=اصبر وحمل الصبر شيله
حتى توصل على المطراق=وخطّه اللي يـودي لـه

يقول ابوزكريا=
سلام لين المسا يمسي =وسلام لين الصباح يبان
قابل=
يامرحبا مد بالخمسي =ترحيب باقي مع الازمان
ابوزكريا=
عسى البقا والعمل مكسي=بالورد والطيب والريحان
قابل=
وافي وراع الوفا يرسي=والخط مابان له عنوان
ابوزكريا=
قلبي من الماس ملتمسي=والبحر سده بحر طوفان
قابل =
لاترمي القلب فالطمسي=وخلك على الشط ياقبطان
ابوزكريا=
مغروس فينا الوفا غرسي=ونمشي على شوكة الميزان
قابل=
اللي قرا آية الكرسي =ربي يزيده من الايمان

محاورته مع الشاعرفوازالزويهري يقول=
ياليت ياصحابنا توفون=وأشكي عليكم بمكنوني
الخوف ياصحابنا تبكون =ويضيع الحزن مضموني
الرد قميش القريقري=
امشي لهم زي مايمشون=لاتسير في اهموم واغبوني
وإن كان في حبهم مفتون=داري معانيك بالهوني
يقول فواز=
القلب من ريمهم مطعون=وون والناس يوحوني
داريت داريت حتى النون=من نونهم منسكب نوني
الرد قميش القريقري=
اللي بلمح النظر مسجون=ويقاسي اهموم واشجوني
فالريم سم الأسى مدفون=ويخلي الزول مجنوني

بدع ورد مع احد الشعار يقول الشاعر=
ياقميش اشكي عليك الحال = وابغى الافاده فيما يجـري
دمعي على وجنتي همـال = مقهور والنـاس ماتـدري
الاه صارت معـي مـوال = ما غيرها فالحشـا يطـري
اثر الهوى يا عرب قتـال = من طبعه المـد والجـزري
انا الذي ذقت فيه اهـوال = وسيوف وسهام في صدري
صابر وصبري اشوفه طال = صبرت حتى نفد صبـري
الرد من قميش القريقري =
كب الهوى عنك يارجـال = والكسر موعود بالجبـري
ما فالهوى من رؤوس اموال = غير الخسارات والفقـري
والمرء يُسال عن الاعمـال = لاحط فـي لجـة القبـري
اغنم شبابك عساك تنـال = نهارة الجمـع والحشـري
جنة عريضة وراحـة بـال = والحور في جوها المغـري
نصيحتي للعمـوم تقـال = من واسع البال والفكـري

يقول الشاعراحمد الصحفي=
هذا الزمن منهجه بالعكس = كل إعتماده على المظهر
واللي على حق والاّ يحس = ما ينسمع له ولو أجهر
رد الشاعر قميش القريقري=
جاني تلفون ما هو فاكس = والحر عن ما حصل عبّر
الصاقلين الثياب بلوكس = وَ عزي لمن يتبع المنظر

[b]

الـشـاعـر : قـمـيـش القـريـقـري : =
سـلام ردة وفـا واسمـع = بُعد المدى طـال وأتلفنـي
ليّه زمانيـن وأنـا أصنـع = فأزكـى سفينـة و ودّتنـي
زرت الفضا ما قدرت أرجع = للأرض والجـو روّعنـي
وسلك الجهـازات متقطِّـع = من حيث لاجيـت يلذعنـي
يا أبو سليمـان لـي إفـزع = يا صاحب المجد باصرنـي
وإن كان ما تقتـدر تطلـع = عذّل علـى مـن يدورنـي
وأنـا تـرى بَعْدُكـم بقنـع = وأقول مـا حـي يعرفنـي
وصلاة ربّـي لمـن يشفـع = نهارة الخوف والأمنـي .
الـرد مـن الشاعـر محمـد سليـمـان القريـقـري=
ترحيـب للمشتكـي يُرفـع = اللي مـن الجـو راسلنـي
والرد فالحـال لـه يُطبـع = عبـر التلكسـات للفـنّـي
للمبتدِع صُنـع مـا يُبـدِع = وإن صابه الوقت لا يونّـي
والصبر في ذا الأمر ينفـع =أسمع كلامـي وطاوعنـي
ويا قميش أفزَع لكم وأجزع = وإن مسّكم شيء يجزعنـي
الآن في ذا الأمـر أشـرع = وأسعى لكم قدر مـا منّـي
إسعافنـا عنـك مـا يُمنـع = غيجوب الأقطـار متعنّـي
ما ارجع ولو الخطر ولَّـع = لجلـه لزومـي ويلزمنـي

سالم وعبدالغالب=
لي قلب زادت معاناته = وزداد فوق الجراح إجراح
من اللي رماني بنظراته = عينه سهمها طعني وراح
قميش وعطالله =
حسبي على المعتدي ذاته = اللي رماكم بدون سلاح
يمكن جــزاء فالـذي فـاته = سـلمكم القفـل والمفتـاح
عبدالغالب وسالم =
فجـأة إبتـلينـا بصدفــاته = الظــالم الفـــاتن الذبـــاح
كيف الأمل في علاقاته = وأبني معه صرح ما ينزاح
قميش وعطاالله =
إن كان تبـغى ملاقـــاته = ما ساس يبنى بغير كفـاح
أدرس ميوله وطلعاته = ولابد بعد المســاء مصبــاح
سالم وعبدالغالب =
جبت الفضاء في مداراته = وانا لـجس الخبـر لمـاح
لقيـت صعبـه طبيـعـاته = يمـزج لنا الجـد بالأمـزاح
قميش وعطاالله =
يامـن بليتـوا بشــبكاته = ومجـابهة سيـفه المــلاح
هذا كذا الود غاراته =ومنهو فشبك الغرام إرتاح

يقول الشاعر منصور السيد=
المر ذقته من اسبابه = وزاد الحق المر مر المر
عنيد يمشي مع اصحابه = وناء الذي خاطري منضر
عامين واقف على بابه = لجلي انا لجانبه مضطر
كيف اتخلص من انشابه = اللي ليا تم وعده غر
ورد عليه قميش القريقري=
يامن لنا قدم عتابه = وزاده بصوره من المحضر
واهج من الطيف سرابه = ومن صلب الاحداث له صور
ويصبر على المر من جابه = والحر لما وقع يصبر
وفيما بقي يحسب حسابه = ويبعد عنه قد مايقدر

في محاورته مع عبد الرحمن القاضي يقول=
سلام للقاضي الفهام=اللي نبي حله وشوره
لي خل في سباق الايام = والوقت بين لنا دوره
واقف لنا ضد بالاقدام = ودرب الوفا حطم جسوره
خلا الــــعــدا ترفع الاعلام = وخواطر الأنس مكسوره
كل مانجي شرق غرب شام= من سد عمان وقصوره
حكم القضية عليك الزام= يانور زايد على نوره
الرد من الشعر عبدالرحمن القاضي=
يامرحبا سنة السلام= تنصاك والحال مسروره
من قلب صافي من الاوهام= مرشوش بالورد وزهوره
لما اطلعنا على الارقام = اللي فالاوراق مسطوره
لقيت خلك مضى له اعوام = سابق اوانه ودستوره
ابحث عن اللي يجي قدام = واللي انتهى اترك شروره
هذاك سوي عليه اعدام = اشطب على اسمه ولاتزروه
كيف ترجى منه استرحام = وانته عزايمك مخبوره
قاضي لكم صدر الاحكام= فصكوك بالختم ممهوره

يقول الشاعر عواض الفارسي =
يا قمــــــيش لانك عميــد القاف=توصــل في رسم المثل حده
هيا استــــــمع مشتكى الميلاف=اللي كـــــلف من آسى وده
الرد من قمـــيش القريقري=
عــــــواض يا حامي الميقــــاف =قولك وصل واستمع رده
يا عــــــزوتي حيث تامن خاف =لاشد في الحبل لا تشده

اما محاورته مع الشاعر الثقفي يقول =
ياكرمتن في صباها بعد =ما لوح الكرم عنقوده
غرسن غرس في ديار السعد=وطالعه بان في عوده
ياوجد روحي عليها وجد = وجد الذي شاف مفقوده
شافه بعينه لكن اليد = عن لمست الكرم مردوده
الرد من قميش=
اسمع سلام الذي اكد =ومعناه في بالغ حدوده
حسبي على الكرم ضافي الجعد = ريم الفلا ناثر جعوده
غدار مكار خائن عهد =ورضاه موجود فصدوده
احدن من الناس قسمه صد = ماساعده بذل مجهوده
واحدن كسب عنبروت وند =والكرم يأتيه ويروده

الشاعر عبيدالله ابو زاهرة=
اللي شرابه نقيـع المُـرّ=و زاده من العلقم الصافي
كيف الليالي عليـه تمُـرّ=ويطيب من جرحه الخافي؟
رد عليه قميش القريقري=
يطيب لا شاف ناس أكثر=النوم لعيونهـم جافـي
و مصيبته حجمها يصغر=عند الذي نورهم طافـي

وفي محاوره مع البحر الوافر يقول =
سلام يا شاعر الأجيال = ياللي لكم صيت متعلي
إن كان تسمح لنا بسآل = في منهج الخل والخلي
رد أبو زكريا =
ترحيب وافي لكم فالحال = والصيت ذا منك واصلي
لعل ماشي أسى ياخال = أشرح سؤالك لنا قلي
البحر الوافر =
عسى البقا يا سعيد الفال = عداد من حج ويصلي
كيف ايتحطم شموخ آمال = ي ظرف لحظات بالكلي
ابو زكريا =
أنا أعرف إن الهوى قتال = في قلب الإنسان يحتلي
ولولا الحسد كانت الأحوال = في طيب معطيب متعلي
البحر الوافر =
تعرف ونعرف ولاش جدال = للود فرحة وله ذلي
وما للحسد بيننا مجدال = والعين من بعده تهلي
ابو زكريا=
يمكن عطل صار فالإرسال = وأنته رجل تعرف الدلي
وإن تعرف إن ما عنه محوال = إدراه عطه الرضا كلي

رحمك الله ياقميش القريقري واسكنك فسيح جناته 00 فانت فخر لكل حربي
ومهما نجمع من الروائع التى سجلتها لانستطيع حصرها ولانوفيك حقك 00
اخيرا وليس اخرا
اتمنى ان اكون قد وفقت في تقديم جزء بسيط مماتركه قميش القريقري بعده وان تنال
اعجاب واستحسان من يقراها0
ونحن بصدد جمع مانستطيعه من كسرات الفقيد في الفتره المقبله 00
00ولكم فائق تحياتي00