قصيدة الغيبه@لشاعربندر محمد الحربي

يالغيبه أسلمتي على يد شيطان=في شرعكي لحم البشر تاكلينه
راعيك متشفي وضاري نبقصان= مغتاض يبغى زود وتنقصينه
تلقاه متمرجل ويطعن بالأخوان=في مجلسن مافيه غيره يهينه
ويوزع السيه وتاتي بالأحسان= للي يبي نقصه وغبرا سنينه
وأن مالقي حسنه يعفى كحيلان=وتاتي على كيفه وهم منتوينه
وياسامع المغتاب بأعطيك تبيان=لومأنت حاضركان نادى عوينه
وخلاه يتعشى معه وأنت كسبان=ويقول فيك وفيك كبر المدينه
وأكبردليل أنه للأخوان عجان=وأشلون من لاكان في دين دينه
حرام تاكل لحمة أنسان بلسان =يشهد عليك يقول من هان هينه
ويالمجتمع ضيق على كل فتان=يبغى يفرق بالهروج الدفينه
خله سجين يذوقله سجن سجان=عشان يتأدب وتاصل قرينه
وخله بعد هذا تحت ناظرأعيان=لأجلن لو يعود يقطع وتينه
أهل النميمه شرعهم شرع مندان=وأشكالهم تحت السنون السنينه
تراه سوسة ضرس مولم وخربان=خلك نظيف وحاربه كل حينه
وأهل النمايم دينهم دين خسران= مثل المرابي زود ماله يدينه