( أول مشاركه لي في منتدى شمل )

\
\
\
\
\
\
\
\
\
\
\
\
\
\
اخواني الكرام
لقد تشرفت بأن دعاني ابن العم الغالي ( حامد علي سالم الاحمدي)
المشرف العام في منتدى شمل حرب
بالتسجيل في المنتدى
بادرت بهذه المشاركه والتي نالت إعجاب الكثير ولله الحمد والمنّه

جيت اقدم قصيده عنـد ربـع ٍهلـي=منتدى اللي تقصّد لم شمل الحـروب
فيه ذكر القبايـل شـرح ٍ مفصلـي=هذا فعل ٍ سعى به رجل صدره رحوب
بعد لنه دعاني شخص حامـد علـي=صاحب ٍ لي واعده من رجال محسوب
ضاري ٍ بالمراجـل عالـي المنزلـي=طيب فعله طريـق ٍ وصلـه للقلـوب
هـذي اول هديـه والتوالـي تلـي=وان رضيتوا عليها لتوالـي وجـوب
وش تشيروا لقلـب ٍ بالمحبـه بلـي=كم عذلت ونهيته ميـر عيـا يتـوب
قلبي اللي غدوا به لابسات الحلي =راح وقت الرخا متكانفتـه الكـروب
وانا مومن بربـي مذهبـي حنبلـي=ادري انّه مقدّر كل علم امكتوب
صابر ٍ فـي زمانـي متجـه للولـي=والجبل ماتزعزع لو تهـب الهبـوب

الشاعر/ خالد بن عبيد بن معتوق ألأحمدي



وهذا رد الاخ الشاعر/ غازي ابو زوايد

ياهـلا مرحبابـك يالصريـح الجلـى=بين ربعك هلابك وأنت شخص إمحبوب
إقلط أهـلاً وسهـلاً منزلـك معتلـى=منزلـك عندنـا بعيوننـا والقـلـوب
أبوبنـدر سعـى بالمنتـداء الأشملـى=ذامعلا الفريدى مـن خيـار الحـروب
جمـل الله فعولـه دايـم إمجمـلـى=والفخر للقبيلـه والكـذوب إمهـزوب
قلت قولـى وقلبـى بالهـوى ممتلـى=والهوى يابن عمى من كبار الذنـوب
الهـوى لانـزل بالقلـب ماينجـلـى=لوشجاعٍ وقعبه صـار منـه إمغلـوب
لعنة الحب حلـت وأنـا قلبـى خلـى=وامتحنى هوى الخفرات من كل صوب
المصايب من الخفـرات مـرت علـى=ودى أتوب لكن كيف يانـاس أتـوب
واصلى يامصايـب بالهـوى واصلـى=لاذكرت الحبايب هل دمعـى صبـوب