يابو طلال ابن الزغيبي مغيران

يابو طلال ابن الزغيبي مغيران=ما أدري به الناموس بأية فصيلة
اللي يزح إبفيِّة الضلع ورقان=وبيولِّع المقرود رأس الفتيلة
ومعروف فاله من سنا النار دخان=وحظه رماد ومرجعه للمليلة
ماكل من يحمل جناحين شيهان=الحر ماترضيه صيدة هزيلة
وياكم من يورد على العد عطشان=ويموت ضامي والحمولة صميله
باشور لك شورة وشرواك ماهان=ولاهان من يحمي ثقور القبيلة
شوري تمجه بالوطى ياكحيلان=ولا تذكره من فوق رأس الطويلة
لابد له من يوم ياذرب الأيمان=يضويه ماقدَّم ويلقى حصيله
هذا كلامي وأنت راجح بألاوزان=تدل دربك ماتبي لك دليلة
لكن مثايل جات من زود مابان=من أهل الدنايا والنفوس العليلة