يحسدوني على شاني أميرة= وقبيلية من اعز القبايل

السلام عليكم ورحمة الله وبركاته :
هذه هي المشاركة الأولى لي في ملتقى قبيلتي العزيزة // أتمنى تكون مصافحة طيبة :
----------------------------------------------------------------------------

أنا من جيت للدنيا صغيرة= وأنا هالحظ عامل بي عمايل
((اسافر معه من ديرة لديرة))= وهو ماله سوى جرحي بدايل
(( يحسدوني على شاني أميرة= وقبيلية من اعز القبايل ))
لي جدود ٍ فعايلهم عسيرة = ألا ياطيب .. والله هالفعايل
وهبني خالقي اشيا كثيرة = ولكن المثير اربع خصايل
( جمال الوجه) و( العين الكبيرة) = و( زين القد ) و( طوال الجدايل)
وألا ياماخذ الغلطات سيرة = خفوقي كم من الاعذار شايل
وأنت العمر والقلب ومصيره = متى ماغبت .. لاقيت الهوايل
طلبتك دامني أموووت غيره = تجمل بي مادام العمر زايل
يطول الشوق والدنيا قصيرة = ولايبقى ابد غير الجمايل
عسى فيما بقي من عمر خيره = وعساني ماانحرم طيب الاصايل
ياجنة كل شي وياعبيره = يازارعني مع ( انفاس القوايل )
طلبتك ضم قلبي واستثيره = ترى ضم القلوب من الفضايل
يقولون العرب كلمة شهيرة = وابويه بعد قبل يموت قايل
يابنتي طالما عينك بصيرة = ولالك يد ... حذراااك الرذايل