كل عضو يسجل اطرف موقف مر عليه

السلام عليكم ورحمة الله وبركاته
مطلوب من كل عضو من اعضا هذا الملتقى الشامخ يسجل لنا اطرف موقف مرعليه
وهذا من المواقف الطريفه شاركت به في موضوع اخوي الاجرب وانقله هنا افتتاحيه
ابا اعلمكم بسالفه جرت علي بالحجاز . اهل االحجاز احبهم ودايم اتشاد معهم بالكلام والحقيقه انا اللي دايم اخطي عليهم بس لاتقولون لهم المهم اجيب لكم السالفه
كان عازمني اخوي وصديقي الغالي مشعل العوفي . جينا عند ابوه وسوالنا عشا ولا لاحظة اي اختلاف من ناحية عوايد وسلوم اهل نجد المهم المقرود مايخلي قرادته قعدت اناقشهم واشادهم بالكلام من ناحية اهل الحجاز ونجد المهم تعشينا عند ابو مشعل وعزمنا عمه للغداء وطبعا اهل الحجاز فيهم كرم ومن شدة كرمهم جيران المعزب مايحرجون ضيفه يطلبون المعزب غدا ضيفه اوعشاه المهم وافق معزبنا ان عم مشعل يغدينا .رحنا عنده وقت الغدا وانا اخذ بعمري مقلب اعرف اسلوم الرجال والمناطق (طبعا تراي كنت صغير ذاك الوقت ابرقعها ههههه)المهم يوم صار وقت الغداء ويصير شي ما حسبت له احساب وهو اني اسمع بمفقده ومنقده لكن ما اعرف وش تفاصيلها بالظبط ما اطول عليكم جاب المعزب قدر كبير وكم صحن من الروعه ما ادري وش كثرهن وهو يجي ::قال قم ياضيف مفقده ومنقده ويوم قال كذا وربي تمنيت ان امي ما جابتني متت بمكاني لاني اسمع ان الضيف يقوم ويقسم تقسيم معروف عندهم لو اخطا فيه معناتها كارثه ماتغتفر المهم ما تخيلون شكلي والرجال اللي بالمجلس كلهم عيونهم طايره في زادة روعتي روعه وانرعبت اكثر يوم كرر علي المعزب المهم فهمني الله واستعدت ثقتي بنفسي (قلت يارجال كل ديره تفخر بعوايدها وسلومها وانا من اهل نجد وتخفى علينا بعض اسلومكم واخاف اخطي من غير ما اقصد لكن انا موكل خويي مشعل يقوم بمقامي )طبعا راح المهايط اللي البارح .المهم ناظرت لمشعل وشفت بعيونه وابتسامه خفيه منه انه انبسط مني ومن كلامي ويقوم وياخذله ساعه وهو منفذ ويقسم . طبعا عرفت ان السالفه ذي مقصوده علشان مهايطي البارح لانه عزمنا جارهم ولا شفت مفقده ومنقده وبعدها تبت ما اشاغب اهل الحجاز