بعض القرابه لامعزه ولا ود

السلام عليكم ورحمة الله وبركاته
اهدي هذه الابيات لملتقى (( القوافي )) لاعل وعساء ان تفي بالغرض اللذي تتحث عنه

بعض الاقارب لامعزه ولا ود= ولا يلتفت لك غير من شان حاجه
وان جيت له في حاجتك وانت محتد=مجهزٍ عذر الخلاص لخراجه
لوكان معه يربطك داني الجد=اروغ من اللي شاطرٍ فاللواجه
ولا يغرك فالمجالس إليا ارعد=واشعل على زرق السوالف اسراجه
يبور لاجات اللوازيم من جد=سحاب صيف وقافيته العجاجه
هذاك لاتكسر به العين وتلد=ارفع نظرها يم فزعتك ناجه
وبينك وبينه حط حد وراء حد=وابعد عن اللي شاطرٍ فاللجاجه
مدام ماهو من هل الجود ينعد=مابه علاج ولا تحاول علاجه
قيل الثميله ماهي مارد كما العد=ماله المحاله فالثميل اندراجه
عليك باللي كل يوم ايتجدد=النادر اللي مايقطب حجاجه
لابد من دورات الايام لابد=كم دالهن فيها تعكر مزاجه
دنيا كفا الله شرها تبحث السد=تلهي سوات مدلهينه بعاجه
اليا اقبلت عن طيبها لاتنشد=ولايا ادبرت تشبه لكسر الزجاجه
تضحك على الجهال بمورد الخد=سجن العباد وجنهٍ للخواجه

كلمات/ مضحي بن جمران الحربي