يوم انها بالكون معطى ومحروم -حرب اهل الطولات دوم ودوامي

سرياقلم سجل من القيل منضوم =سجل ورتب كل حرف بنظامي
وابدي سلامي عد ماتسري نجوم=واعداد مانبتت فياض الخزامي
وماساق من قبله مخاييل وغيوم=سلام(ن) احلى من رحيق تهامي
وبعدالسلام اكتب تقارير محكوم =مره علي كبده من الغبن زامي
صكات بقعاء حملها هموم وغموم =من فعلهاحاربت طيب منامي
وصبرة للميله وجاملت محتوم =من شان ماشين يعوق بمقامي
عاييت لين ازريت ماصارمعدوم=جناح مابه ريش عاق النعامي
والصبرباح وبان له حدور سوم=وقديم قيل النقص حدالتمامي
ونصيت بالموضوع قايدوزيزوم =عوض دخيل الله عزيز المقامي
رجل شجيع وللمراجل به عزوم =في مجلسه تلقا الرجال الحشامي
وسوالف يبراء بها صدر مهموم=علوم الرجال اللي تقود الجهامي
ماهي سوالف من لهم دايم الدوم =هرج القفى وايضا غثيث الكلامي
ارجي من المولي عسا عزك يدوم= حيثك لنا نورا يزيح الظلامي
مسهمك بالطولات ماهوبمقسوم = صيتك بفعل الطيب شرقا وشامي
وجيتك علي ضوه ولاني بمنجوم =يامورداللي هايبات احيامي
ياريف من ينصاك ضايق ومضيوم =حاديه شين الوقت وارضه مضامي
تحل معقود مشربك ومحزوم= حلحيل لصعبات وقت الزحامي
لك ماقف معروف اليابانت اثلوم =ترسي اليا اختلت احبال المسامي
ولفزعتك يامسندي جيت ملزوم=ما ابغى علي مثلي يصير الملامي
حيث ان وضعي فيه بين ومبهوم=وانته فهيم ومن رجال اكرامي
من لابيتن منها الخصم دوم مكعوم=تعرف فعايلهم نهار الخصامي
بسيوفهم ولشلفهم تشهد القوم =لاثارخلف الخيل عج وعسامي
وغير العرب تشهد لهم طغمة الروم=يوم المعارك ونعدام السلامي
يوم انها بالكون معطا ومحروم=حرب اهل الطولات دوم ودوامي
وكل القبايل نعم سالف وهاليوم=وارجي السموحه عن خمال الكلامي
وصلاةربي عد ماتزمي احزوم=واعداد من صلى الفريضه وصامي
واعداد مايكتب من احروف وارقوم=علي النبي افضل صلاه وسلامي

سالم بن ظفر الحربي(جريح الفرقا)