الشاعرين الكبيرين/تركي الشيخ و ماهر أبو ناب

أولاً :- أهنئ قبيلة حرب بهؤلاء الشاعرين الشابين الكبيرين بشعرهما و الذي شهد لهم الكثير من الشعراء الكبار فهنيئاً لكم ياحرب بهذين النجمين ألا وهما تركي بن عبد العزيز الشيخ و / ماهر بن مبروك أبو ناب. فإليكم أحدى محاوراتهم

سلام رده وافيه في منتدى ربعي زبيد=طال الزمن و إلا قصر مايختلف مضمونها
و الثانية و الثالثة و الرابعة يا أهل القصيد=الشاعر اللي من ورى الهقوة لايصبح دونها

يامرحبا ترحيبةٍ تبنى على الساس الجويد=مايختلف ميزانها مايختلف قانونها
و اللي بعدها ياصاحبي ماللحديد إلا الحديد=و الملعبة ليلى و ليلى جالها مجنونها

لاغاب ابو زيد الهلالي سدالميقاف زيد=و أظن خلق الله ماشافت زيد شوف عيونها
البارق اللي جاك وقت القظ ما اظنه يفيد=لو أنه أسقى النخله الخضرا كسر عرجونها

زيد الهلالي حامي الميقاف بالرأي السديد=ياما كتبناها شرف وشلون ماتقرونها
لاو الله إلا برقنا يحسب لنا مجدٍ جديد=و الشجرة اللي مالها ظلان لاتطرونها

القول غير الفعل مار الله يدبر مايريد=طب المعارك و أدحم اللي تدحمك بمتونها
حنا سمعنا علم ماهو زين من ساع البريد=يقول شاف السوس وسط التمرة و ماعونها

ياتركي أصحى لاتجي من تحت سيف ابن الوليد=سيفه إليا سله ورد العلوم ماتردونها
دايم علوم مسيلمه يمشيها القلب البليد=رد البضاعة لأهلها و أهل الحسد يشرونها

ياللي تهدد منت في تالي الدعاوي مستفيد=جمره إليا هب الهواء تطفي على غليونها
ترى البلا لو يخبر العساس هارون الرشيد=صارت قضية ياطويل العمر ماتحمونها

صادجر قرار المحكمه بالصك يالقلب اللهيد=و العين لاحمرتها بالنار نعمي نونها
هارون مايسمع علوم القلقله لكن هيد=و البنيه اللي مالها سيسان لاتبنونها

أنته مداك قريب ياماهر و انا شبحي بعيد=إليا نويت القوم يا ابو ناب أدك احصونها
حنا كشفنا السر لكن لاتزيد و لاتعيد=جاتك هديه و الهدية منفري كرتونها

ماهر كسر رأس الهدف و الشيخ رميه مايصيد=و قرون روسٍ كل مابانت كسرت إقرونها
دعواك هاذي فاضيةه مفلوجةٍ من كل حيد=ياشاهدين الزور نقص أشنابكم فدقونها