يالله يا مبكي ويا مضْحَك الناس ×× وآمَات وأحْيَا وإن أمَر أمْر أَمْره

يالله يا مبكي ويا مضْحَك الناس=وآمَات وأحْيَا .. وإن أمَر أمْر أَمْره
ياحي يا دايم نطأطأ له الراس=ياللي جعلت الموت للناس عبرة
أرحم غريب اليوم من دون جلاس= وحفة بروضة وارفة وسط قبره
نَسْنِس عليه من البرد .. ثلج نسناس=وأجبر كسيرٍ منكسر فاض صبره
مشعان راح .. والألم صعب ينقاس=وإن كان قسنا .. مالنا فيه دبرة
ياحيلت الله يا ذرى البيت لا باس=على الله اللي - يجبر الحال – جبره
يا كم واحد مبعد الموت وإنحاس=ولا طال من دون المنيات شبره
الله يعظِّم أجر من كان له ساس=ويعوضه بالخير ويزيد في أجره
أعداد ما خط القلم كل قرطاس=وصاغ من نورٍ على نور حبره