سلام قبل العشا والعلـم بعـد العشـا

فيصل الرياحي : =
سلام قبل العشا والعلـم بعـد العشـا=واضن ذيب الجموم يقوم من مرقـده
أرى ثقيل السحاب من المناشي نشـا=عينك على بارقه ولاذن صوب ارعده
مبروك أبو ناب : =
يامرحبا لو نشا ربك خلق مايشـا=أهلين قبل العشا واهلين جات ابعده
حييت يالطرقي اللي من دياره مشى=بيغلق الواجب الغصاب ذا مقصـده
فيصل الرياحي : =
العام ليه المحالة مامسكها الرشا=والجاذب اللي يجاذبها تراعد يده
ياعود ياللي تقول صغير توه نشا=ماهو بداري عن النقاد لو ينقـده
مبروك أبو ناب : =
العام قامت مخيله والمطـر رشرشـا=لاكن جاه الهوى ليـن الهـوى عقـده
لا تشمت العود يعطي من ضمير الحشا=لا تشهد الـزور والبهتـان لا تشهـده
فيصل الرياحي : =
والله لو أني بطيع الواشي اللي وشا=لا أنزل الرتبة من العسكري واطرده
الليل ياعود والشيطان تيـسٍ غشـا=والله يعين المطوع يحتمي مسجـده
مبروك أبو ناب : =
لا أتنه بظابط ولا حاكم ولا منتشـا=ولا أنته شريكٍ بملك الله لا كن أحمده