يالله شان الوقت وأنت لك الشان=أنت خلقت العبد وأنت تعينة

ياليت شعري في هذا الوقت ما بان=ولا شاف كسرات النفوس الحزينة
شفت العداوة جات مابين الأخوان=وشفت التكبر والحسد والضغينة
وشفت المطر همال من فوق الأمزان=ولا شفت مابين الحلال السمينة
وإن قلتها ماقلتْ.. زور(ن) وبهتان=كل(ن)يشوف الحال قدام عينه
وأناعيوني ما رأت شيء ماكان=ولا أضِنْ فيكم شين وأشيل شينه
أقول من قلب(ن)على الطيب ولهان=ومن نفس تسكن لاغشتها السكينة
ماهان راس(ن) شايل القن ماهان=ولا هان راع الصايبة والثمينة
وأقول بالإثبات ماهي بالأيمان=من راس حربي مارضى بالغبينه
ما أبقيك ياوقت المهانة والأحزان=ولا أبقى ردي(ن) مايدسم يمينه
ومن بعد دار الوقت وأذرف بالاوزان=أقول للي كلنا مرتجينه
يالله شان الوقت وأنت لك الشان=أنت خلقت العبد وأنت تعينة
تلطف بعبد(ن) كل ما خاطره شان=قام ايتوجد أو تصافق يدينة