سلام الله بردية لها في المنتدى عنوان

سلام الله بردية لها في المنتدى عنوان = سلام(ن) مايخص يعم ياراع الحناكية
سمعنا إنك مسافر جيت من لندن ومن لبنان= تجي وتروح والأوضاع باقية(ن)كما هيه!!
هلا يامرحبا ترحيبتأ تبقى مع الاوطان=نوزعها على ربعك مادام النار مطفيه
تقوله وانت ماتعرف طريقك ياخوي العان=واوضاعي تسر الذيب يوم انا شقاويه
يدوم لك البقا والعود الأزرق ما معه دخان = نبيها هكذا ياصاحبي والنية النية
لقينا صورة(ن) لك كل منهو شافها زعلان = عسى الله ينصر الإسلام ويعز السعودية
لقيتك تنفض اللحيه وتمشي مشية الفنان=شباب اليوم غلطانه واكثرهم سكرتيه
تسوق العلم فوق وتحت مانمشي مع الشيطان=وانا سني ولا اتبع ياعميل هالشيوعيه
أنا مشيي على درب الهدى والحق والبرهان = لا تظلمنا تجيك اليوم مربوعة ومثنية
تمنى إنك تطير ولا معك ياصاحبي جنحان = ترى بكرة تبي تقعد لك بدار(ن) خلاوية
تصوم الناس شهر الصوم وانته تروي الظميان=وخير الناس مايلحقه لا ذنب ولا خطيه
تعاف الحر ياصاحب ولا تهرج على الشيهان=عساكِ تنزل الديره ولا تمسي على ذيه
ورا ما تشد قافك ياصحيبي بادع القيفان= ترى الوبال مايشفق على مال الشواوية
أنا رجل(ن) غناوي واحمد المولى رفيع الشان= ليا مني نصحتك قلت : ياجساس وش فيه !
بغيتك راعي الوقفه لقيتك ناشب العربان=علامك ياولد ماتحمل الرخصه الخصوصيه
ولا يازين نصحك ياولد ياراجح الميزان=وانا مقبل نصيحت راعي الدار اليمانيه
لقيت اللي يعكس السيد لا صاحي ولا سكران = وبلغنا عنه وتطارده من عصر دورية
ترى الحكمة يمانية كلام اللي فصيح إلسان = إذا أنت تدور الحسنات حتى تدفع السية
لعلك ياعميلي تمشي عكس واللي كان كان=وانا رجال صاحي مامشيتلي سكرجيه
نبي نكويك كيت(ن) من شان تعرف الميدان=لعل اللي يبي يكويك ماينجضلك الكيه
ترى راع الحناكية سنافي وأعرفه ياخوان = وأنايرتاح بالي كل ماقابل سنافية
ختام القاف باليشموم هو والمسك والريحان = على كل العرب وأخص أنا راع الحناكية
ليا منك بغيت الحق كلنا عرب صدقان=ولا يخفاك يالنشمي تجيباللي الاماريه
وانا دربي ودربك يالبناخي في طريق احسان=وكلأ في طريقه ماشيأ معه الفنديه