لا ياعذا عرق(ن) سقى جمة البير ×× وأغنى مراويها وخضَّر شجرها

	المشاركة الأصلية كتبت بواسطة لافي

	لا ياعذا عرق(ن) سقى جمة البير=وأغنى مراويها وخضَّر شجرها لاتسوق في ليل الهبوب المعاذير=ما كل ليلة يستوي لك قمرها ولا تخيل لادكت خيارالمغاتير=برق السحابة اللي بعيد(ن)مطرها يكفيك من لقمان حسن التدابير=ويسد من زرقاء اليمامة نظرها دام الجزايل راجحات التعابير=تعطى لرجل(ن) مايِنيِّر ذمرها عزيز من يربح نهار المخاسير=وعزاه من عنده ثمينة كسرها الرجل لو حالت عليه المقادير=لاشاف كسرة من رفيقه جبرها مايعيد لاطاح الجمـل للمناشير=ويقصر خطاه وعثرته ماسترها وياهاجسي وأين البشر والتباشير=وأين العيون اللي تطاير شررها أعيتني الدنيا بكثر التفاكير= والعين جافت نومها من سهرها دارت عليَّه أطلالها بالتداوير=وأطرى عليه الدار واللي عمرها راحوا عن الديرة وقفوا مسايير=وشدوا منازلهم وخلَّوا أثرها يا الله ياحيٍّ لك الخير وتخير=تخير للي حاجته ما قدرها من جور دنيا مقبله بالمناذير=ومن شرنفس(ن) غاوية في كدرها من لا رفع نفسه بحشمه وتقدير=يتبع هواها لاهوت ماهجرها لابد من وقت(ن) تجاب التقارير=ويذوق راع الحنظلة من ثمرها

من لا رفع نفسه بحشمه وتقدير=يتبع هواها لاهوت ماهجرها
لابد من وقت(ن) تجاب التقارير=ويذوق راع الحنظلة من ثمرها

صـــح لـــســانــــك ..

قصيدة جزلة .. فيها من الحكمة الكثير ..

كل بيت فيها عن قصيدة ..

بيض الله وجهك ..

أسجل إعجابي الشيديد بها ..

ولا تحرمنا من جديدك ..

بارك الله فيك.