الليله الساحل الشرقي صفى جوه

حبيب العازمي=
الليله الساحل الشرقي صفى جوه=وان قالو الليل ساري قلت انا توه
واللي يبا مامعه حيلن ولا قوة=ياليحي ياملحي ياليحاي ياليحاني
ياهبوبن ولعت من جنوب ومن شمال=ساعدينا فالسفينه ودف اشراعها
الشاعر اللي يبا يلعب على طرقي=لابد يحسب حساب الغربي والشرقي
وانكان طرقي انا مثله بعد طرقي=ياليحي ياملحي ياليحاي ياليحاني
النشاما تشتري بالجنيه وبالريال=من شراها باعها من شراها باعها
صياف الحربي=
انكان تبغا علوم الناس تابعها=قدام يعطون ثالثها ورابعها
وإلا عطيناك ثامنها و سابعها=ياليحي ياملحي ياليحاي ياليحاني
بارك الله فالمطر بارك الخيال=والديار الطيبه ياحلو مرباعها
حنا نعرف اليتيم ابثوبه الشامر=وإلا بصغر العيون افبطنه الضامر
والظاهر ان العتيبي يلعب السامر=ياليحي ياملحي ياليحاي ياليحاني
مابقيلك غير شهر وسنه واربع ليال=مار عود وارضع الضان يارضاعها
حبيب العازمي=
الليله الحربي أمسى نافخن ذربه=يعوي كما الذيب والجني على دربه
وانكان ماطيَر الجني يطيربه=ياليحي ياملحي ياليحاي ياليحاني
اخر الايام يمكن تربط بالحبال=والعرب مايسمع العلم غير اسماعها
صياف الحربي=
الظاهر انك تبا ترقد وانا ماشي=ياللي لحونك تغنيها على الماشي
وانكان روح عميش وجاب عماشي=ياليحي ياملحي ياليحاي ياليحاني
لو ركبت المناظر وميلت العقال=ماقدرت اتشب هوشه وانا فراعها
راسك صغير ولا يقدر على النطحاء=لاكن عقب الفراش اجلس على البطحاء
القرد حول على راس الجبل واطحاء=ياليحي ياملحي ياليحاي ياليحاني
والله انك كنت صاحي ولا عندك خبال=يوم جتك ام الكبار لزمت اذراعها
حبيب العازمي=
الظاهر انك من البارح تدورها=بقعا يدورك باطنها وظاهرها
لاكن دخل يدينك في مناخرها=ياليحي ياملحي ياليحاي ياليحاني
ميزو في صاحبي عقب جيته كيف قال=وين راحت كفه اللي يطق اصباعها
راسك مدور وجسمك كله مدور=تبا تدور علينا وانت امدور
يابو بارودٍ تزهب البلجيك واتثور=ياليحي ياملحي ياليحاي ياليحاني
كان تبغا ضربت الراس يالحربي تعال=واخذ ضربه جامده ماتطيب اوجاعها
صياف الحربي=
انكان كف الولد ماشاله الطامع=تبا تذوقه من السامع ليا السامع
يالجندي اللي دخلت افوج بن جامع=ياليحي ياملحي ياليحاي ياليحاني
الغشيم اللي فراس الجبل عدى ومال=الجبال السود ماينقرب مطلاعها
مابقالك فالبلد لا بنات ولا عيال= وإن رقعت المشلح اتخاف من رقاعها
حبيب العازمي=
صعب التفاهم معك ياجندي الشرطه =ورطنا معك هذي والله الورطه
خوذتك دايم على علباك منخرطه=ياليحي يوميحي ياليحاي ياليحاني
الغشيم اللي مايعرف جواب ولا سؤال=وإلا انا اعرف كل كلمه واعرف اسناعها
خلك على مثل هذي لاتجيب اشكل=والحمد لله ترى ماعندنا مشكل
ونكان ضاق العتيبي ثم عطاك اشكل=ياليحي ياملحي ياليحاي ياليحاني
مابقي في بنككم لا حرام ولا حلال=والزراعه تكلفتها على زراعها
صياف الحربي=
اليا كتبنا عليك اشروط مشروطه=خلك على الباب واعمامتك مفروطه
وإلا شتغل بالجزر والخوخ والقوطه=ياليحي ياملحي ياليحاي ياليحاني
يزهمونك ياحرامي واثرك ابن حلال=شجرتن صفراء وخضراء وانا قطاعها