راشد السحيمي مع حبيب العازمي في مزاين عتيبه

حبيب=
يا راشد نباك تصيـر راشـد بطـل بطـل=لو إن الجهاز اللـي يراسـل بطـل بطـل
أنا من على المرقاب صوبـك بطـل بطـل=يقولـون مـال الأولـه غيـر راعيـهـا
نبي راشد مثل صياف والرحمة على صياف=ياليت الحربي الأول يشوف الحربي الثاني
وراشد كانت راحت للحقيقة ما عليه خلاف=يسد الوادي اللي بين أهل رابغ وعسفانـي
راشد=
حبيـب علـى الحيـد المقابـل بـدا بــدا=أقـول تشـوف النـاس قالـي بـدا بــدا
ولا ودي إن الـداء يعـالـج بــدا بــدا=يقولـون مـال الأولـه غـيـر راعيـهـا
عسى الله يرحم الفاني وراشد يحتمي الميقاف=حبيب لا بغاني يـا جماعـة خيـر يلقانـي
ندور للحقيقة مير من عين ومنهـو شـاف=بسـد الـوادي المذكـور لكـن لا تحدانـي
حبيب=
عقلنـا المطـيـة يالسحيـمـي عـقـل عـقـل=ونلـبـس مــع المـخـوان عـقـل عـقــل
ترانـا رجـال المنطـق الـلـي عـقـل عـقـل=يقـولـون مــال الأولــه غـيـر راعـيـهـا
أحد يسري على نور القمر وأحد يسري على الكشاف=وأحد بينـي وبينـه مـا يبـي للذيـب سرحانـي
يا راعي العملـة صرفهـا يـدري بـه الصـراف=علامـك مـا يهمـك صرفهـا فـي كـل دكانـي
راشد=
ترى الحر في رأس الطويلـة شهـر شهـر=له سنين مالـه يـا جماعـة شهـر شهـر
ومن حط يـده فـي اللهيبـه شهـر شهـر=يقولـون مـال الأولـه غـيـر راعيـهـا
أحد يمشي مع السكة وأحد يمشي مع الأكتاف=أوريك الطريق الزين وأنـت تلـف بالعانـي
عطيتك عملة صعبة لكن أنت يديـك نظـاف=وجيبه بالدراهم يـا جماعـة خيـر مليانـي
حبيب=
عسانـا إلـى جينـا نـدور نجـد نجـد=ومن نخلكم يا أهـل المدينـة نجـد نجـد
ولكـن مـا ترقـون هضبـة نجـد نجـد=يقولـون مـال الأولـه غيـر راعيـهـا
أخذنا ذمة الشاهد وضاعة ذمـة الحـلاف=وهذي غلطة المسلم يصدق رجل نصرانـي
صحيح أن الجمال جمال لكن الحمول خفاف=وأنا ما عاني جمال لا تحسب على شانـي
راشد=
ترى الضيف تـوه يـا حبيـب مـرق مـرق=سمـع كلمـة وحـده وبـدري مـرق مـرق
أنـا مـا طبخـت الفـأس أدور مـرق مـرق=يقولـون مـال الأولــه غـيـر راعيـهـا
أنا ماني بشاهد زور ولكن شوف لك محـراف=تكلم في الظلام النمل خايـف مـن سليمانـي
أنا ما أبغاك تسعفني ولا أبغى من جملك اسعاف=أشوف الغدر في عيون الجماعة شوف الأعياني