النصافى ووصيته لعياله

	صقر بن مسلم النصافى الرشيدى .. شاعر مبدع وحكيم .. له قصائد كثيره بالنصح والغزل والرثاء والمدح والحكم وجميع أغراض الشعر من قصائده المشهوره هذه القصيده التى يوصى فيها ابنائه الثلاثه مهلى ومسلم وعلى .. وهى قصيده تحوى الكثير من المعانى الجميله والحكم الجليله الممزوجه بالطرافه .. قال من وصى عياله وده الــهم بالشكـــالـه خــابر راع الــرزالــه بـالــمـجالـس تـشـنعـه يامهلى شف اخوانك شانهم من صوب شانـك عند مايزعل السـانك عنهـم الــغيض ادفـعـه وانت ياعلى افتكــر خلى قولى لك ذكـــــر ربعه الطيب اشكــره والــردى لا تـتـبعـــــــه يامسـلم انــا ابــوك الـــعرب لــو صــاحبــوك مايسرك غير اخوك كـل مـا يــامر طـعــــه ياعيـــالى كلكــم افـــطنــوا فى حلكــــم التنـــازع ذلــكم والتصـــافى منفعـــه واجهدوا لله بطاعه واتبعوا راعى الشفاعه قبل يوم فيه ساعه عند ربى مرجعه القصير امشوا بحقه لو بدت منه المشقه وان كثر بالقلب دقه طوبيتك واشلعه مادواه الا مراحه فى فراقه سوء راحه لا تجازيه بكباحه يوم ربه صرقعه والخوى حق علكم تجعلونه من حديكم كل شغله فى ايديكم لين ياصل مربعه ان تمرجل كيفوا به وان تردى عبروا به لويصير الكم عقوبه قصة بالمبلعه والحمق يا خر مضره يلحق العقيل شره وان طرا راعيه مره قالوا الله يقطعه لو تصيح ولو تلاوى مابغى الله يصنعه واحذروا حق الفقير دعوته يمكن تصير ادخل الله واستجير قبل يذرف مدمعه التكبر للرخوم يحسبون اهم القروم عندما يبدى اللزوم عشرهم نصف اربعه والعدو لو زان باله انقلوا منه الحماله لو مغط لكم احباله بغضكم يبقى معه والصديق بكل حال عند حضرات المجال مدحكم عند الرجال كل ما جاه اشبعه والصديق ليا نكركم ما دواه الا ظهركم ان خضعتوا له حقركم صرتوا عنده مضفعه والتمنى ما يفيد لو تزيده ما يزيد مثل بق طار من ايد بالهوى من يجمعه والحلوف بغير حاجه كلها ذنب وسماجه واجد الى باللجاجه دوم حلفه يمطعه كم صبى بالرخا ضنكم فيه الصخا وانكبرتوه ارتخا كل عذرا يا سعه جاز من كل الصداقه والمحبه واللباقه والسبب نفسه رقاته حتا الا انه تضلعه والمغفل يحسب انه دوم فى نعمه وجنه مآخذ الدنيا مضنه لين بقعا تصقعه ثم يقعد فى منامه ملحق نفسه ملامه عقب ما شاف الندامه يوم هاك الكعكعه الرجال ابهم فهيم لايضام ولا يضيم عندما يبدى حليم والحقوق مشرعه راعى الصبر محمود لين مولاته تعود ثم ينزل بالحدود والمطمن يرفعه