النصيب يصيب لكنه يجي عكس المراد

بسم الله الرحمن الرحيم
السلام عليكم ورحمة الله وبركاته
أضع بين أيديكم هذه المتواضعة عسى أن تنال إعجابكم

النصيب يصيب لكنه يجي عكس المراد = والبشر تطلب ولكن من يحصّل مطلبه
ناس تطلب زود مال وناس تطلب زود زاد = والسعيد اللي ذهب في طاعة الله مذهبه
أنتهى وقت المروة وابتدا وقت الفساد = من جمع مالً كثير يوصّل اللي يرغبه
وان بغيت تعيش في دنياك حرً ما تقاد = صادق الناس الوفيه والردي لا تقربه
ما انتصر قايد معه جنده ولا عنده عتاد = والعرب ياعاربه وإلا عرب مستعربه
البياض يدوم حتى لو تلطخ بالسواد = والسواد ولو بغينا ما قدرنا نذهبه
والردي يبقى ردي لو تنصحه زاد العناد = والوفي يبقى وفي و لو وفاه يغرّبه
الحياه دروس والفاهم من الدرس استفاد = والبليد ولو يدَرّس عام ماهو منتبه
البشر ما تنعرف والسور يخفي له بلاد = والبلاد تظنها تعمر وهي مخربه
يالفهيم احذر ترا ما كل من يعطي جواد = ما جميع اللي ملك منصب يقدّر منصبه
ما يضيع اللي نشد .. شاِور أهل علم وسداد = والمسير براي واحد مااصعبه يا ماصعبه
شاِور الشخص الحكيم اللي ثبت علمه وكاد = من جهل ينكبك رايه مثل ماهو ينكبه
من زرع شيً ترا لابد من يوم الحصاد = تحصد اللي تزرع وكلً يحصّل مكسبه
والله اللي قسّم أرزاقه على كل العباد = لو طردت الرزق ما انت محصّل إلا اللي كتبه
كل نارن تنطفي وعقب اللهب يبقى رماد = كل قويً بالبشر يلقى قويً يغلبه
طالبك ياللي تبيد الناس وأنته ما تباد = يالعزيز الواحد المعبود ياللي نرهبه
تغفر اذنوبي وأنا اذنوبي عليّه باتحاد = وانت تعرف كل ذنبً يذنبه من يذنبه

وسلامتكم