موضوع مكرر

ياذيب ساعدني على المشرف العام=من فضله يدور للأشراف غيري
تراي بازمه ياصحيبي من العام=انا وابو فارس ورود وصديري
لليل ونهار مفسرين(ن) بالاكمام=وكلن يحاسب في نزاهت الضميري
منا تثور الغام ونثور الغام=والصوت يسمع والقوافل تسيري
والبغي منهي عنه في شرع الاسلام=ولا يعفي القانون حتى المديري
قدام لفصح يبيض الوجه ونلام=اقول كيت وكيت لهل الثميري
والعفو هذي هي محطمت الارقام=وان قلت مادري عنه دور لغيري
انهاي تكليفي والكرامه للاكرام=ولا تمعن ويش نص تعبيري
يامعشر الشعار مني نباء هام=لامن مليك ولازعامت اميري
مصداره العملاق من عرض الأنام=لاهو طويل ولا قصيرا قصيري
مايدعي بالفلسفة وعي والهام=لو له من الجمهور جمع (ن)غفيري
لو له نفوذ (ن)مشمل (ن)به اليا الشام=وجنب ليا ابها وهضبت عسيري
بلعكس لاراعي ولاني بمقدام=لاني مع الاول ولابالاخيري
وواحيت مادري شفت مدري انها اوهام=غرناطت(ن)منها الأباتشي تطيري
تسليحها اللي جربوهابفتنام= من شان يحكم في مداها الخبيري
هذا وانا خايف مقابيل الايام=تلقح وتاضع بنهار الخطيري
ومن سو حظي كل حرف(ن)به ادغام=لو من سبيل اومن كلام السديري
ماعاد اهضمه من تغاليف الاقلام=وقدام لاانسا وش عليه تشيري
انا استعيد الذاكره دامها اشمام=وكيل مرجلتي بشري وخيري
ولا اترك الفايت والانظار قدام=ماني ورا المقفين شاعب بعيري
والسالفه يشبه لها مثلها اوقام=لاكان يفرقها فروق(ن) تشيري
فيها بطوله والبطوله لها اوسام=من مبتدايه لين تصل اتحريري
ياشاعر(ن) شعرك ملك بصمت ابهام=مع نكهت(ن)عطره ومسك وعبيري
تم الكلام اللي مخليله اختام=صلوا على طاها شفيع(ن) نذيري

يوم الزغيبي ضيقه حذف الاقزام=اللي بعبر الاجهزه والاثيري
وجه ندا يحمل بنود واحكام=فيه البلاغه والكلام المثيري
والجزل رواده عن القول صيام=لكن لدلو يستقر القريري
ياشاعر بالمنتدى مطلبه تام=عند الاداره له مكان (ن) كبيري
ان راح للمطلق مشاكيل وحشام=وان راح لبا العون ريف القصيري
وان سقت نفسي في لزومك لغشام=عند اعتزالك وش يقول المديري
تكليفها تشريف ماهو بالازام=ان كان ماانتة بالطلب مستخيري
والثانيه فلمركبه مستوا عام=في مستوا ماله شبيه ونظيري
شكري وعرفاني هديه للاقلام=اخص من باسمه ثم المستعيري
كل(ن) بفنه يدرج(ن) فيه الاقدام=يامركبتنا بالمناعير سيري
متشاطرين المرجله عزكم دام=واللي يبا العليا يذب الوعيري
المرجله تحتاج تكريس والمام=ماهي بكثر الهيلمه والزحيري
من دونها عيطا مهاوي ورظام=ملس المراقي والملامس سعيري
عيطا بوسط اللجوفها يسلب الهام=توح الرغا عقب الزبد والهديري
هذي حدودي والمراجل تبا احسام=لسيف(ن) شباته ماعليها جفيري
لولا شبات السيف مانفذ احكام=كان الكبير اجحف بحق الصغيري

ذيب الكهفه رحمة الله عليه