سلام مثل الدُّر بالمسك مختوم ×× ومثل العسل مسكوب صافي مصفَّى

،
أعزائي مافيه كلام يخلو من المدخل والنقصان إلا الكتاب المنزل
،
النية صافية والقلوب بيضاء
،
لكن سبحان الله أحد يأخذ في خاطرة بشيء غير مقصود
،

سلام مثل الدُّر بالمسك مختوم=ومثل العسل مسكوب صافي مصفَّى
في كتاب للأجواد بالتبر مرقوم=مضمونه المعذار وافي موفَّى
إن كان زله جات من غير معلوم=والا طبيب النار بالحيل شفَّى
بالعون ياهل الميز مافيه معصوم=والله عليم (ن) بالكلام المخفَّى
وتراي للنَّقْصَان يالرَّبع ملزوم=ملزوم حشمه بالجواب المضفَّى
وأقول غَنْ وزامر الحي محشوم=ولا أبيع ربعي بالكتاب المقفَّى
هذا كلام الصدق والعلم محسوم=وضني كلام الصدق لابان كفَّى