قصيدة ( بالوحش) العميد : علي بن دخيل الله الرحيلي

هذه القصيدة قالها الشاعر / فالح بن مطلق الشعبي الحربي
تمجيداً لما قام به العميد الركن/ علي بن دخيل الله الرحيلي الحربي من منسوبي القوات الخاصة من إنجاز بطولي في العملية الإرهابية التي حدثت في محافظة الرس بتاريخ 17/2/1426هـ 000 علماً بأن العميد الرحيلي ملقب بـ (( الوحش ))
لما قام به من افعال بطولية بمجال عمله0

ياسلالة راع الباع الطويلي = المليـك اللـي حضـن شعبـه و لمـه
الأمن بقيادته ماله مثيلي =و كـل شعـب المملكـة جنـدي مهمـه
ماتعيل و لاتجامل من يعيلي = نايـف اللـي نايـفٍ فـي رأس قمـه
شجرة آل سعود مزبان الدخيلي =تضفي الاشبار مـن طـول الأكمـه
و الوطن غالي و عالي ياغليلي =منك يا أبن بلادي اللـي دون ذمـه
أرتحلك ابليس و أشعلت الفتيلي = وش حصيل الزعزعة و ارهاب الأمه
مايقدم صاحب الرأي الهزيلي =المسامع عـن جميـع أريـاه صمـه
إيتقـدم واحـدٍ مثـل الرحيلـي =قائـد القـوات بإنجـازه و همـه
و لانقول أنه يسـوي المستحيلـي =الله اللـي وفقـه دربٍ و تمـه
حط له بالرس ميقـافٍ ثقيلي=سجـل التاريـخ ميقافـه و ضمـه
ماتراجع بالسرية و الفصيلي = ساق روحه سـوق ماحسـب بدمـه
واجبه خلاه يعذِر بالمقيلي =و طمهـم بالنـار مـن خشـم المطمـه
لين راحوا بين مجروح و قتيلي =خمهـم عسـى الليالـي ماتخمـه
واحد و عشرين بالكشف الحصيلي =و أزملاه يوردونـه كـل جمـه
كلهم شجعان مافيهم ذليلي =لامشاء القائـد عطـوا دربـه و يمـه
الوحوش أنواع و أنته وحش ليلي =تستدل ابك الوحوش المستسمـه
من قبيلة حرب ياعنوان قيلي =و كل حربي شاش من طيب أبن عمه
تفتخر به حرب من جيلٍ لجيلي =و شهرته ماهي بلـوم و لا مذمـه
و السكات بواجبي مايستويلي =لا لقيت أبـو الهـدف ماغابـة أمـه
يا أبو بشرى مامدحت بلا دليلي =و لا علي مـن الزرايـا و المنمـه

الشاعر/ فالح بن مطلق الشعبي العمري الحربي