راشد السحيمي+تركي الميزاني

هذه المحاوره في محافظة ساجر بتاريخ8/6/1428هـ بين الشاعرين :
راشد السحيمي ( داهية الشعراء) و الشاعر : تركي الميزاني

ياسلام الله على اللي رغم ضيق الوقت جيته=و السلام يعم و انا فرد من عرض الجماعه
صاحبي تركي عطاء غاب والليله لقيته=بس أتابع سيرته فالتلفزيون وفالاذاعه
مرحبا في حفلة اللي شايعٍ ذكره و صيته=و أنت قدرك في محله كل يوم و كل ساعه
صاحبك لو غاب يعرف أنك يارشاد مانسيته= و المثل قد قال حبل الوصل أخير من القطاعه
البقاء ياللي نويت الخار مدري مانويته=القناعه كنز مايفنى و أنا عندي قناعه
الردي بعته بدون فلوس و الطيب شريته= بالوفاء نشريه و قلوب العرب ماهي بضاعه
علمي اللي فيك ياراشد من المغرب هقيته= مايجي حول الردى و الطيب عنوان الشجاعه
واحدٍ مايوفي حقوق العرب ينهد بيته=و أنت تدري بالخبر و حقوقنا ماهي طماعه
كيف تدري وش بوسط الظرف و أنته ماقريته=يمكن أن اللي في وسط الظرف فقدان المناعه
وش تسوي بالهلال اللي نكبته يابكيته=بارك في هجوم الاتحاد و في دفاعه
مأحتريت اللي يجيني من صحيبي ما أحتريته= كل رجالٍ يحصل ماتقدم له ذراعه
زرعك اللي تزرعه لك عام ياراشد جنيته=و الله أعلم أنك ماتعودها زراعه
و اللي أني ماتعمدت أضربك ضربه مميته= ماتطلعها الفحوص و لاتطلعها الإشاعه
قلت لك من شاربي و أن قلت لك قول أحتميته=ماتجيبه في سنه حنا نجيبه لك في ساعه
لو تغرف من البحر يبطي صميلك مامليته=ياوديع القوم تال الوقت ضيعت الوداعه
أنت ياراشد صحيبي رحت فيها كمبليته= صايرٍ فيك إلتباس و صايرٍ فالقلب راعه
قالوا أنك ياطويل العمر ضايق قلت ليته= أنت مثل الساحر اللي نيته مسكة كراعه
أنطح الرجال وجه لوجه عيب إليا أقتفيته= المقنع باقي(ن) يومين و إنزل قناعه
رميةٍ من غير رامي و إلا راشد مارميته=و أن رميته مانقص من محزمي غير السراعه
انت عينك للجبل لكن تتعب مارقيته=و الجبل ياصاحبي يصعب نزوله و ارتفاعه
أنت كلك شر لو تقدر على راشد كليته= و الحقيقه ملعب بفريقيا غير المجاعه
كم ضلعٍ وقت في رأسه و كم ليلٍ سريته= جوز من بعض الأمور اللي تصنعها صناعه
ميسمي حامي و جنبك يالسحيمي كد كويته=أنت مثل الزورق اللي فالبحر يومي شراعه