رديح أحمد بدين القايدي

لجـل الموافـا عوايـدكـم=ورد الوفا للموافـى ديـن
اليـوم جينـا نشاركـكـم=أفراحكم يـا عيـال بديـن
من ود يستطـرد الأشـواق=ويتبع خطاه الوفـا راغـب
جيناك يا احمد وفا ووفـاق=يا عل نوفي لـك الواجـب
عجيب أمر الهوى لا صـد=وسلط جنوده على الإحساس
لافيـه دبـره ولا يـنـرد=يسقي المودين مر الكـاس
غابـوا وغابـت مسرتنـا=اللي عن القلب ما يغيبـون
كانـوا بالأمثـال قدوتـنـا=سنين ليل الصفـا يحيـون

استكمـل الأنــس برفـاقـي=وليـل الصفـا للمعانـي زان
واللـي معـه خاطـره شاقـي=مـا يعتـرف يـوم بالنسيـان
مخلـص لعهـدي وميثـاقـي=باقي على العهـد مهمـا كـان
هذا المثـل مـن عقـل راقـي=دايـم لراعـي العقـل ميـزان
ويـن التقـي للعنـا واقــي=اللي اتخذنـي هـدف نيشـان
بعثـر معـي كامـل أوراقـي=اللي في ذاتـي لهـا حسبـان
مـا دام ودك مـعـي بـاقـي=في زود مـا حافـه النقصـان
جنـدت لـك قـوة سبـاقـي=ضـد الـذي يعلـن العـدوان
لا تسيـر للحـكـم سبـاقـي=آنا ترى فى شان وانت في شان
اللـي لهـم ود فـي اعماقـي=دمع الحزن من عناهـم بـان
هـذا الـوداد الـذي نـاقـي=يشـارك الــود بـالأحـزان
والـلـي تلاقـيـه والاقــي=واقع على خاطري مـا هـان
سقـت المثـل ساقـة سياقـي=شاركتني فالحـزن يـا فـلان
اللـي لهـم قـلـب تـواقـي=كم اطربـوا وابكـو الألحـان
أضيف شوقك علـى اشواقـي=علـى الـذي شوقهـم لـلآن
ما هـو علـى مثلكـم تاقـي=ودا نقـي مـا يبـي برهـان
تولـج الـطـرف سـراقـي=لا شاف موعـد منامـه حـان
وكـل مـا تَلَفّـتْ مـا الاقـي=اللـي بهـم تسعـد الأعيـان
تبكيـه وابكـي علـى فراقـي=تضاعـف الشـوق بالوجـدان
مـا دام الاحسـاس متـلاقـي=الـود يبقـى مثـل مـا كـان
واللـي لهـم شـان وافاقـي=تاريخهـم فالزمـن عـنـوان
مـا يختفـي نجـم بـراقـي=لـه منزلـة ود واستحـسـان

http://www.alhejaz.net/ahmad/bedyn4.jpg[/img]