صياف و فيصل(سوق الجمل ماعلاك خلاف)

الليل ياصاحبي صياف=ياطيب الصوت و السيرة
خابرك شاعر و لك ميقاف= و أن جيت تفرح بك الديره
ياجارنا طول المحراف= و نقول ياطيب الجيره
سوق الجمل ماعلاك خلاف=علمٍ مضى يالله الخيره
أبشر تجيك العلوم أرداف=و اللي تبي مانبي غيره
باقي علاك أربعه عراف= و أعطيك لفه و تدويره
إليا أقبل البرد هات لحاف= حرب العرب دق إلك زيره
مهما حصل و القلوب نظاف= كلٍ بسيفه و تقديره
و اللي يعدي على المشراف= أجزاه بالخير و أشيره
سار الرمي من قدم و خلاف= و الجو كثرت معاصيره
يافيصل أنته ولد خطاف= تخطف حنيف بمساميره
رمياً يجنب عن الاهداف= الله يخلف مخاسيره
من يوم صياف غناء القاف= الغيث جتنا تباشيره