احمد الناصر وصياف الحربي مرحبا عد ما تسري نجوم الســـــما فالليل

أحمد:


مرحبا عد ما تسري نجوم الســـــما فالليل


ردة وافيه نبـــــــــــــــدي بها عند واجبها


بس انا والطواري والهواجيس حط وشيل


عام اصـــــدق هواجيسي وعامين اكذبها


صياف:


البقا بالعميل اللي يمـــــــــد اللحن بالحيل


من رجال زمان العام تفتل شـــــــواربها


احمد الناصر اللي عام الاول يسج الخيل


السنه ذي يربط راســـــــــها قبل يركبها


احمد:


عامنااللي مضى هاذي مواقف جمال عقيل


وماقف الفارس اللي سـبـّـــق الخيل يتعبها


غاب عيبه طويله والله اقــوى قوي الحيل


وكل نفس بعملها ربها اللي يحــــــــاسبها


صياف:


شفت سيل حـدر واد الرمه مثل نهر النيل


والجمال اغرقت ما سلمت الا غـــواربها


وانت لو شفت نجم الجدي قدام نجم سهيل


يمكن انك تحصـّـــل لك ارجال تصاحبها


احمد:


باقي الجدي والمرزم عسى ما يجيهم ميل


وجعل سود الليالي ما تجيهم مصـــــايبها


اخذ فنجال اشقر خالطه زعفـــران وهيل


يقعد الراس والافكار عندك يقـــــــــربها


صياف:


فتح العين لين تشوفنا وارفــــــع الدربيل


وامسح الخط كله والملفات جنــّبــــــــها


ما عرفنـــا المقاضي لين فكيتوا الزنبيل


يا عيال الحــــــــلال اللي قرينا مكاتبها


احمد:


جعلها ما تجي بديارنا قصـّـــــة اهل الفيل


وساعة الطرقي العجـــلان تاقف عقاربها


من ينقص لك الميزان ينقص عليك الكيل


وما احد يعرف العربان حتى يجــــــربها