صياف ومطلق رحمهم الله هلايامرحبا عند منهو يكرم الضـّــــــــيف

مطلق


هلايامرحبا عند منهو يكرم الضـّــــــــيف
وانا شاعر وارحّـب واهـلّي بالنيــــــــــابه


يقرّالمخّ بالرّاس وتزين الســـــــــــــواليف

ليا صيـّاف جالي وســــــــاترته ثيـــــــابه


صياف


لعل ابك البقا وانت رجـّال المعـــــــاريف

ثـبـيـتـيــيٍّ يجيب الخبر باوّل شـــــــــبابه


بعد فرّقت بين المخـاليق المـوالـيـــــــــف

أظن العلم عرّض له الذيب وســـــرى به


مطلق


أنا خابرك ملقوف من عـــرض الملاقيف

ولاعاد الك ميقـاف مع فـزعة شــــــــبابه


نبا نذبح حصانك ونكسر سـلـّة السـّــــيف

بعد ضاق النبي منك ضيـّقت الصحــــابة


صياف


على شانك تصرّفت واكثرت التصاريف
واثر حظ الثبيتي مثل قــــــوس الربـــابه


هبوب الريح تومي بكم روس المشاريف

وانا حربي ولاهمـّني كثـر الحــــــــرابة


مطلق


ليا كثرث فروحك ولجـّـيت الغطـــاريف

يبا يقرصـــــــــك دابٍ يدجّ السـّـمّ نــــابه


بدى نجم تغيـّب وله عامـين ماشـــــــيف

سواة الفارس اللي على راســــه عصابة


صياف


تباني للضّـرورة وانا ماني على الكـيـف

عساك تجيب كاتب مايعـرف للكتــــــابة


يبا يغـزون ربعك ويلفونك مناكـيــــــــف

وتلقى الميـّت اللي على راســــــه نصابة


مطلق


على الله ياهنود تشـيلون المغــــــــــاريف

ليا جيتو على العـدّ غثربتو شــــــــــــرابه


عمسنا واعمستنا جناحين الخطـاطـيــــف

جفل منها جملنا وطشّ لنا زهـــــــــــــابه


صياف


بعد تمر الحســـا ياثبيت اكلو من الليـــف

ترى تمر الحجـاز النظيف انصــــك بابه


تبا تمسون ليلة كثيرين التحـاســــــــــيف

ويخسرمن يبيع الضعيف ومن شــرى به


مطلق


ألا ياحـرب ياحـرب مافيكم معـــــــاريف

سواة ابليـس بيـن الرفاقـــة والقـــــــــرابه


بغيت اكحلك من كحل زينــات التواصيف
لكن الجفــــــن يدمــــع ويرعى به ذبـــابه


صياف


عسى شقران يزعل ويبرك له على حيف

أنا راعيه وافـرض على راســـــــه رقابه


تجيب الكحل وارميش عينك له رفــاريف

علامــــك تنقلب ياســـــــريع الانقـــــلابه