يالشاعر اللي خوتك ترفع الراس

السلام عليكم ورحمة الله قصيدتين بدع و رد
بدع من صديقي حسن ، و رد مني محمد
لعل تنال استحسان القاري :

البدع :

سلامتك ياشيخ و مجار من الباس
و الله ينو ر لك جميع الدروبي
ياالشاعراللي خوتك ترفع الراس
و من الرجال الغانمين امحسوبي
تستاهل الامداح ياطيب الساس
شيخٍ وشهم و في اللوازم تنوبي
والمعدن الطيب ذهب ماهونحاس
اقولها صادق و لا ني كذوبي
قدمت لك قافٍ بنيته على ساس
ساسه وثيق وخالي من العيوبي
شاعر ولي في قمة المجد مجلاس
و لك التحيه من ديار الجنوبي
و صلاة ربي عد ماحجوا الناس
على النبي ذا ليس عنده ذنوبي


الرد :

تسلم لنا يا صقر سمّوه قرناس
يصيد بالمخلب وصيده يذوبي
قدوه لنافي كُل حاجه و نبراس
ورثتها من قرم وقت الخطوبي
مدحتنا بامداح عندي لها قياس
مثل الجنيهات الذهب فالجيوبي
ولاعليك الزود من خيرة الناس
تقدير بين اخوان وسط القلوبي
أما القوافي بيننا شرب من كاس
و القاف عند اليعربي له سلوبي
يقلون به خيرٍ و يقلون به باس
أما يجيب السلم و لا الحروبي
و صلاة ربي عد ما هب نسناس
على نبيٍ له علينا وجوبي

..