( ألسّلام يكون ترحيبه قوام )..... مراسله

الشّاعر/ خالد بن عبيد بن معتوق الأحمدي

الكلام يكون من بعد السّلام
بعدها نخبِرك يانعم الزّميل
للعيون إنعاسها كِنّه حرام
أو تقول إِنْه عليها مستحيل
نومها معها مهو مسوّي سلام
ماتذوق النّوم من وقتٍ طويل
جيت ابصلح بينهم صِعب المرام
والخصومه مرهقه طرف العليل
كان عندك علم في حلّ الخِصام
وضْحه وأنقول مايُخدم بخيل
يابخيتان الوفي مابك كلام
أنت مثلك فالزّمن هذا قليل
أعرفك من عزوة إحشام وكِرام
فيهم الفزعه وكِسّابة جميل


الشّاعر/ بخيتان بن بخيّت البشري

ألسّلام يكون ترحيبه قوام
كالزُّلال يكون أو كالسّلسبيل
للصّحيب اللي شكى قِل المنام
لا بليل ولا على حَزّة مقيل
إعرف إن ألنّوم من رَب ألأنام
وإعرف إن ألنّوم ماله من بديل
قِلته خوفي تسبب إنفصام
وانت عايش بين حَط وبين شيل
عيش وقتك في حياتك بإنتظام
لو تشوف الحِمل في عينك ثقيل
والصّبر خَلّه معك طول الدّوام
أنت يابن عبيد مالك من مثيل
من رجال نعِدّها ذروة سنام
لو يميل الوقت ماظنّي تميل