( الوقت بعد أحبابنا صار ينعاف ماعاد ينفع فيه تلطيف جَوَّه )

أقَبَل عليك ألليل ماشي ينشاف
ياذيب جُرّ اعوَاك والصّوت قَوَّه
الوقت بعد أحبابنا صار ينعاف
ماعاد ينفع فيه تلطيف جَوَّه
واللي يكابر كِن ماعنده إخلاف
تراه فيه إخلاف مكشوف نَوَّه
أوّل يشوفونه مع الدّرب كشّاف
واليوم فات الدّرب والليل تَوَّه
وإنكان من ودّه على حاله تخاف
للشّيخ روح وقول ياشيخ كَوَّه
يمكن يطيب إن جاه من يمّك إسعاف
يبدا شِفاه إن بان للصّبح ضَوَّه

الشّاعر/ خالد بن عبيد بن معتوق الأحمدي