الحب ~

الحـــب مـــا ياتي بيوم ولا لــيل
الحــب عشرة عمر ماهو سهاله


يشبه شموخ النيف وإقبالة السيل
ويــوم المــعرفه ما يكفّي .. لحاله


ليله ضـرير وقمرته نجمة سهيـل
يحتار شعري في وصايـف خيالـه

من حب يتعنا في الحــط والشـيل
ومن لعب حتى هم قلـبه ما شالـه

خذ العبر من سورة النمل والفيل
والنهر .. يعطيك القراح .. وزلاله

فالحب ما ينقاس بالــوزن والكيل
هو كوكبٍ ما يتسع هالفــضاء لـه

والحب وقفات ٍ في العسر والميل
ما هو لمن شاف الغنج واستماله

والحب شوقٍ يتعب القلب بالحيل
تضيق بغيابه .. وتتعب .. حياله

فلا حب من نظره ولاهو بتطبيل
واللي بيظلم خافق ٍ ما صفى له




وسلامتكم ~