للشعر في صدري مداهيل وضلال

للـشعـرفي صدري مداهيل واضلال
مـن ضـمـن شـعـار ن بـدو واكـتبوبه
احـيـان مـن ضـيقه واسلي به الحال
كـن المـشاعر للـقـصـيـد مــغــصـوبه
واحـيـان اهـيـجـن به وانا رايق البال
والـيـا اكـتـمـل كل ن يـفـتـش جـيـوبه
رجـل ن بـعــزمـه لـلـثـقــيـلات حـمّـال
ورجـل ن بـعـزمـه لــيت يـشـتـال ثوبه
ورجـل ن عـلـى طـاريـه والـنعم تنقال
ورجــل ن عـلـى ذكـره يـقـولـون كـوبه
ورجـل ن *بـعـرفـه *للـصعيـبات حلال
ورجـل ن سـبـب عـرفـه تـكاثـر عـيوبه
والـعـقـل نـعـمه والمـراجـل بـلا عـقـال
والـقـلب مـضـغـة والـنـوايا محــسوبه
والـطـيـب وهـبه والـردى مـالـه حـبـال
ومـن يـفـعـل الـحـسنه تناقص ذنـوبه
والـعــمـر رحـلـه *والـعـمـل زاد رحّـال
ومـن زاده الــتـقــوى جـزاه المــثــوبه
والمــوت حـق وبـعـده الــقـبــر مـنـزال
ولا عــاد بـــه رجـعـه *ولا *فـيـه تــوبـه

طلال الحنيحني