الهاجس

الـهـاجـس الـي مـاتـحـرك من الـعام
صـكــن عـلــيـه ضـلـوع صـدرٍ حـونه
عـلـيـه صـكـن واحـكمن صكه احكام
وعــن مـايـثـيـره اقـسـمـن يـحـتـمـنـه
قلت استريحن واتركن بعض الاوهام
صعبٍ عـلـيـكـن هـاجـسـي تـحـكمنه
مـدام صـدري قــوتـه جـلـد وعــظـام
قـوة هـجـوسـي بـالـقـصـيد شـلـعـنه
وكـتـبـت مـايملي هـجـوسي بالاقلام
وجـف الـقـلم وحـروف شـعـري سقنه
شـعـرن ورثـتـه مـن كـريـمين وحشام
مـوروثـهـم بـالـطـيـب مـااحـيـد عــنـه
عــون الــرفـيـق مــزبــنـة كل مـنـظـام
وعـوق الـخـصـيـم الي بدأ الشـر منه
حـنـاحـنـه والـنعـم والـسـبـعـة انـعام
والــنـعــم لــه نــاسٍ يــجــيـدون فـنـه
فـي جـمـعهم حـبل التواصل للارحام
مـوصـول بــقــلــوبٍ غــلاهــا تــكــنـه
ومن جمعهم قلب العدو صايراقسام
مــتـقسمٍ مــا بــيــن شـيـعــه وســنـه
بيـض الـنوايا تـجمع قـلوب واجسام
وسـود الــنـوايـا مـاخـفـى يــكـشفنه
هـو يـحـسـبـنه بـاشتٍ مـثـل صدام
سـول لـه الــشـيـطـان مـع سـوء ظنه
عـديـم عـرف ولا حـمـد كـثـر الانـعـام
يـطـرد عـلـومٍ كــثــرهــن ضــيــعــنــه