عزي لحال الي على نيته طاف - لحصلوه اهل الفساد لعبوبه

.
.
وقــلــب يــالــي مــــن زمــانـيـن مــنـلاف
لـــوف الـهـشـيم الـــي تـصـافـق هـبـوبه
قــامــت هـواجـيـسـي تــرفـرف تــرفـراف
رفــــراف طــيــرٍ تــــو مــمـسـى غــروبــه
لــحـاف بـــي هــاجـوس دورت مـشـراف
وجــهــت مــسـمـوم الـهـواجـيس صــوبـه
وصندوق صبري شاف من يمي اسراف
انـــــا احــسـبـن اسـتـغـفـر الله عــقـوبـه
لــكـن لـقـيـت ان الـغـنايم بـهـا اصـنـاف
تــفــيــدنــي ومــســجــلــه ومــحــســوبـه
طـبـيت عـقـب الـعج فـي ضـف الاريـاف
وطـلـعـت مـــن مـــوج الـعـمـيق بـعـجـوبه
وخـلـيت نـفـس الــي مــع الـوقت يـنعاف
الـــــي تــــرك عــنــد الــمـواقـف وجــوبــه
عـــزي لــحـال الـــي عــلـى نـيـته طــاف
لــحـصـلـوه اهـــــل الــفــسـاد ألــعـبـوبـه
نـــــاس بـوقـفـتـهـا ســرعــيـن الانــكــاف
وابــلـيـس فــــي ســــو الـفـعـايل تـنـوبـه
دنــيــاك هــــذه كـلـهـا عــقـود واحـــلاف
وهــنـي مـــن نــقـى عـــن الـكـذب ثـوبـه
راع الـخطا مـا يـعرف الـدرب لـو شـاف
لا شــــك قــــل الــعــرف ربــعــه لــقـوبـه
الــعـاقـل الـــي لـــه بـالامـجـاد مـيـقـاف
ويــرجـي مـــن الـمـعـبود حــسـن الـمـثوبه

.
.