ياشاعرن غادي مع العالم أجير يا اهل القصيد اللي وراه المطلبي

ياشاعرن دايم على مدحه أجير
يااهل القصيد اللي وراه المطلبي
ماسقت مدحي للأمير وللوزير
سقته على اللي يكسب المدحه سبي
ابمدح اللي بالغلا ماله خشير
اللي مربيني على العزه...( أبي)
لوه قصيدي ينحني تحته صغير
ويعود الهاجس بعد كبره صبي
ياهاجسي افزع ترى الموقف خطير
يا قوة المعنى تعالي.. واقربي
نبا لنا شعر(ن) يوفي هالكبير
لو هي معه كل المعاني تتعبي
ذخر(السوالم) ياعسى دايم بخير
ريف النشاما ياصلاتي عالنبي
ماينقصر طيبه كما جال الغدير
يوفي حقوقه للأهل و الاجنبي
مايشبه لجوده سوى الغيم المطير
اليا حضن ضلعن من الدهر اجدبي
من عادي صغير مهون لي العسير
آمر..! تدلل..! وين ماتبغى وتبي
اللي مخليني وسط فضله أمير
عجز هجوسي والضماير تكتبي
ربي يقدرني على رد اليسير
وان كان قصرنا على النفس اعتبي

أحمد بن محمد السالمي الخواري السفري