ديوان الشاعر / خالد عبيد بن معتوق الاحمدي ( صقر المراقيب )

( حبيبتي )

حبيبتي بالزّين عجبه بالكمال=ومضرب مثل للنّاس باللبس الانيق
يامشيها بالهون تنبي بالدّلال=وياهرجها محسوب ليّه فكّ ريق
وامن المحال اتحال نظره عن جمال=ومن المحال القلب من شوفه يضيق
وكان العرب بالزّين توصف بالغزال=امّ العيون السّهد والجسم الرّشيق
قدرها اسمى منه في ضرب المثال=امّ العيون النّاعسه ذات البريق
من شعرها الجذّاب لامالت ومال=ينثر عبير الوردّ ويعطّر فريق
ولها الخدود امورّده بنت الرّجال=ياقف عليها النّحل يبحث عن رحيق
الله عطاها زين مع طيب الخصال=وتمتاز بالعفّه ومنسبها عريق
واستغفر الله كان ماهو بالحلال=الكلام اللي لقوله مانطيق
قرّرت في قوله ولو يحصل جدال=حرّية التّعبير للشّاعر تليق
من فتنة المجمول ماعندي مجال=اصمت عن التّعبير فالعلم الوثيق
الصّمت عنها يعتبر صعب المنال=ذي فرصة الشّاعر يعبّر للعشيق
قايد هواها جيش يطغى بالنّضال=طغوة نعومتها على الجسم الرقيق
لو تعترض للمهتدي صابه ضلال=يفرح عليه ابليس فهيامه غريق
وهذا قليل بحقّها لا واحتمال=لو تمرّه ميت من موته يفيق
وياويل عاشقها ليا مات الوصال=يمسي مريض افراق في قلبه حريق
واللي يلومك يالمتيّم شين فال=عدّه عديم احساس ماقلبه شفيق
واختام قولي مختصر فيه المقال=ينبي به المضمون بالوصف الدّقيق
خلّيتني في حال نسيانك محال=عذبتني وارتحت يالطّير الطّليق

الشّاعر / خالد بن عبيد بن معتوق ألأحمدي