هذا هو الراس

والله يا لالا الله ثم خشية الناس=لادق بابك والبشر ينظروني
لا قالوا اشبك قت هذا هو الراس=اللي عليه اعضاء جسمي تكوني
خلوني ادخله واقله بوسواس=من يوم فرقاكم وحالي جنوني
خلوني انسى ساعة الهم والباس=خلوني احضن طيف خل(ن)حنوني
يكفيني الحرمان والصد يا ناس=اربع سنين القلب يرجف جنوني
اربع سنين(ن)كلها هم واتعاس=ما زارني يوم الفرح صدقوني
القلب عند الزين والحال منحاس=والعين تذرف دمعها ما تصوني
مسكين خلي بين باب(ن) وحراس=حتى نهار العيد منه احرموني
ابوشعر اسود على الكتف منساس=وابو عيون(ن) بالهوى هبلوني
ويا ابو شفايا كنها ورد الاغراس=الروح من شانك تراها تهوني
لك اليمين اني على العهد رواس=والعين محرومة(ن)من كل مزيوني
والقلب مقفل ولا احد(ن) جاه عساس=يمين ما دق بابه بعد مضنوني
يا زين ابصبر ولاجلك بطرد اليأس=باصبر على الحرمان طول السنوني