الموت حق - ملتقى قبيلة حرب الرسمي

[/table1]

الموت حق وكل حيٍ يهابه=ولاحدٍ يبي طاريه عنده تجيبه
سبحان منه قال بمحكم كتابه=كل من عليها فان والله حسيبه
ويالله عسى وأن حل لحظة ذهابه=تجعل مقره بالجنان الرحيبه
أنا ومن يسمع ويقرأ جوابه=وترحم جميع أمواتنا يامُجيبه
الموت واحد مير يفرق صوابه=في لحظةٍ ووقات وحالٍ عصيبه
واليا فقدت من الأهل والقرابه=الوالدين وإلا الأخو والصحيبه
سمعت قولٍ وأحسبنه أصابه=للاربعه من راح منهم ضريبه
قالوا توفى (أبوك) أقفت أركابه=يحسن عزاكم ويرحمه ثم يثيبه
قلت أن توفى شال همي غيابه=نفسي وماخلف حمولٍ تعيبه
مامات من خلف وعقب ذيابه=يعيش ذكره حاضرٍ في مغيبه
قالوا (عجوزك) لحقته في ترابه=الله يعظم أجركم بالحبيبه
قلت أمي حملٍ خف ماوصنابه=ربي عليها من الحقوق الرهيبه
من رحمةٍ والبر والاعتنابه=بعطفٍ ولطف وحسنٍ وطيبه
قالوا توفت (المرأة) وسفابه=الله يعين ماخلفت من شبيبه
قلت المرأة مثله حريمٍ تشابه=لو الطبايع فرقهن والغليبه
ذي سنة الله والنبي قد مشابه=حلل لنا التعداد عن كل ريبه
وقالوا توفى (أخوك) بعزة شبابه=قلت عزوا قلبي لاوهمه وشيبه
ماينجبر صواب كسرٍ صطابه=ولاظن يطفي حر بجوفي لهيبه
أخوي أخوي هو محزمي والعصابه=أنشهد أن دنياي عقب كيئبه

[table1="width:95%;"]

[/table1]

التوقيع :

التعديل الأخير تم بواسطة محمدمطرالفريدي ; 29-12-15 الساعة 02:05 PM. سبب آخر: خطاء

29-12-15, 01:50 PM

شـــــاعر

محمدمطرالفريدي غير متواجد حالياً

محمدمطرالفريدي is on a distinguished road

الموت حق

[table1="width:95%;"]

الموت حق
هذه الأبيات ترجمة لمن قيل له توفى أبوك فقال ملكت أمري . وقيل له ماتت أمك فقال خف حملي
وقيل له توفت المراة فقال تجدد أفراشي . وقيل له مات أخوك فقال أنكسر ظهري
بـســم الله الـرحـمــن الـرحـيــم

الشاعر/ محمد بن مطر الفريدي

« الموضوع السابق | الموضوع التالي »

تعليمات المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code is متاحة الابتسامات متاحة كود [IMG] متاحة كود HTML معطلة قوانين المنتدى

الانتقال السريع