غزلية ................

قصيدة : (( يابو نهيد ))

بقلم / فواز بن محسن الزويهري الحربي


🌿🌿🌿🌿🌿🌿🌿🌿


يابو نهيد راكزٍ كنه قبب
اسمع كلام الصدق ماني بهلاس

انت على الفطره من الناس تنحب
خشمك سواة السيف وعيونك نعاس

والصدر صفحه فوقه الشوق يكتب
ولك خصر ناحل تحته الردف بقياس

والساق صافي كنه زجاج منصب
مايلمسه نفح الهوا كود نسناس

من كان مثلك لجله الطيب يجلب
لو كان ما يحتاج هو ورد الاغراس

يمشي على فروه ويجلس على رتب
وليا مشى كل الغنادير جلاس

وليا تكلم نغمة الصوت تسلب
يطرب لها المحزون واللي به الباس

حضيض من من صافي الشهد يشرب
من بين لولو صف حبه له احساس

اخلف كيان العقل والقلب يشتب
من عوده اللي بالروى صار مياس

يميل مع نفح الهوا لا الهوى هب
ميلة غنج مره رجا ومره على ياس

سبحان من سواك سبحانه الرب
والله خلق خلقه على أشكال واجناس


〰〰〰〰〰〰〰〰