ياالله بدعوة عود ماله بغيضي

ياالله بدعوة عود ماله بغيضي=يركع ويسجد خيّرٍ يرجي الخير
من عرض ناسٍ في حرِمات بيضي=يرفع ايديه ويطلب الغيث تكرير
يوم الوقوف وعند وقت المفيضي=حجاج بيت الله افواج وطوابير
ياالله بنوّ ٍ يوم ينشي عريضي=وبله من المنشا حقوق الشخاتير
تنقرله الشرقي وتنفا النفيضي=مزنه مرودم واتّجاهه محادير
كل الملازم تمتلي ماتغيضي=من شرقي الزرقا على جو خرخير
مافيه وادي بالوطن مايفيضي=رحمه من المولى ولي المقادير
دارٍ هواها من يشمّه حظيظي=مدهال جل الذود سود ومغاتير
وقت الشتى وحتون وقت المقيضي=عندي بها عن غيرها ميزةٍ غير
مر وتقهوا كان ودّك تريضي=بالفيضه اللي كاسيتها نواوير

التوقيع مساعد الجليدي