ياشين راع القطع كم عقب اجروح=فعله بغيض وكل عاقل يسبه
وقت السماح اصدع بها قول مسموح=راع العفو محبوب ولله يحبه.
الطيب في وجيه الرياجيل مايروح =هو ديدن المسلم في حاله وكسبه
وليا بدالك من شياطين منضوح=ابليس هبه يا بيض الوجه هبه
خلك مع الخلاق والصدر مشروح=ماخاب من يمشي على نهج ربه
وان لك حق من العرب بان بوضوح=ماهو بعيب ادوره من محبه
العيب يومنك تخليه مفضوح=معطي لزم في حالته ما تكبه
تبدي عيوبه كل ماجيت في افسوح= عيبك نسيته كنكم فو ق قبه
منت محصلك من الهرج مربوح=لو كان معطيلك من الهرج شبه
نرجع نقول العفو هو بلسم الروح=وللقلب صابونه وسعده وطبه
15-05-15, 12:14 PM
ياشين راع القطع
العرض الشجري