قصيده عاطفيه ..لجل الهنوف اللي ذبحني غلاها

اول مشاركه لي في هذا المنتدئ الموقر اتمنئ ان تنال على اعجابكم


طال السكوت وعقبه الدمع هليت
لجل الهنوف اللي ذبحني غلاها

اي والله اني من زماني ترجيت
صدفة لقا فالدرب تاهت خطاها

كل ما يجي طيفه علئ البال لبيت
لبيه ياطب الجروح ودواها

اسرجتله خيل الوصل مير ذليت
اخاف اكحلها وحقق عماها

صدقت في حبه له الروح مديت
مدت كريم ن مايدور جزاها

الجادل اللي عقبه اليوم عزيت
عزيت قلب ن نار بعده وطاها

وليا طرا ذكره عن الناس سجيت
اخاف من نفس ن تبين خفاها

هذي بسيطه والبلا يوم مريت
طفلن بوسط القوم مدرك حلاها

نارن شعمها بالحشا دون كبريت
وضلوع صدري بالمناظر براها

غابت وانا من بعدها ماتشاويت
يوم الفراق الساق ترجع وراها

ياما كتبت ابيات فيها وغنيت
ابيات تكوي جرح من هو قراها

قصيدة ن ماطمع وراها علئ الصيت
كتبتها و العشق كبدي شواها

من يوم ما بشرني القلب حبيت
ظروفنا بالوجه ترفع عصاها

والعشق ماينفع معه ليت ياليت
اسباب فعله عينك تهل ماها

حاولت نسيانه ولكني ازريت
ماانساه كود الشمس تنكر سماها



بقلم/ برق المدينه