ولكن اقول رايك لارجح يعتمد

اليعربي منطق لسانه مبين وقويم = والاعجمي ماتعدل عوجته للابد
ياستاذ هذا قريته بالكتاب الحكيم = وهايب الخالق الوهاب ماتنجحد
ان كان يستوعب المفهوم عقل الفهيم = سقف السما رافعه ربك بليا عمد
وكان المفاهيم فيها المستصح والسقيم = كلن حسب مابذر ياستاذ باليد حصد
مايسمعون الحشام الا المقال الحشيم = ولو فتل من فتل ولا عقد من عقد
الطير ياقع على اشكاله ياعبد الحليم = ومنهو يجي بالمكان المنتقَد ينتقَد
لاتسال المنسجن هل هو بري او تهيم = الدود يظهر ليا منا نبشنا اللحد
والوهم في عقل من عنده بصر مايقيم = وش عاد لو كل صفحه تنطوي تستجد
بمرور الايام لو هو يستجد القديم = لايمكن السبت ياتي بعد يوم الاحد
ماني معلمك وانت اعلم وفوقك عليم = ولكن اقول رايك لارجح يعتمد