حربي على فعل الجمايل مباديـك

يابو سعد رب المخاليق يكفيك=من شر غبر ايامنا والليالي
لاجفت الاقلام جعله ينجيك=في يوم ما ينفع عمام وخوالي
انشهد انه يرفع الراس طاريك=لك تشهد الاجناب قبل الموالي
حربي على فعل الجمايل مباديك= تذكر وتشكر ياكريم السبالي
يافزعة المحتاج وان جاك ناصيك=عليه لاضاقت وساع السهالي
وده يقوم وطاح وسط الشرابيك=اليا عتدل حمله تعثر ومالي
هذا كلام الصدق مافيه تشكيك= موثقه مافيه كذب وخيالي
مالي ورى ماقلت يسعد لياليك=اهداف تذكر يابعيد المدالي
في خير جعل الله يعزك ويبقيك=من فضل ياغازي عظيم الجلالي
لكن طيبك طيب الله مساعيك=خلاني اكتب بالقلم ماطرالي