نزه مصادر كلمتك عن يقولون

نزه مصادر كلمتك عن يقولون = بلسان صدق لصايب العلم حاوي
ولاتصير لاقوال البشر كالتليفون = ينقل مايسمع من علوم حكاوي
ولاتعذرب وتنقد على غير قانون = ولاتصير عن قولك بعيد الحراوي
ولاتخطي وفيك البشر مابيخطون = وادفع بحسناك الخطا والمساوي
وانصف ولاتصبح على الكبر مرهون = العدل والانصاف مبدا التساوي
الكبر للي بامره الكاف والنون = لا معك حول ولنت قادر وقاوي
اليا اهتديت اطلب من الوالي العون = وامش الطريق المستقيم الخطاوي
وادرى على تقدير مقدارك وصون = ولاتتبع من الناس مغوي غاوي
وارفع مقامك فوق عن مسلك الهون = ولاتدعي بالساقط من الدعاوي
ولاتبني احكامك على اوهام وظنون = وحكم ضميرك والكتاب السماوي
ولاتشمت ولاتضحك بكان مايكون = ولاتقول هذا فقري وذاك شاوي
الرزق بيدين الولي خالق الكون = لاتغتر بقوم الربا والرشاوي
كان الغنى من مال سافل وممهون = عيش الفقير ولا حياة الغناوي
راعيه مفلس لو جمع مال قارون = يملا حثال البطن والراس خاوي