يالله تحفضنا وﻻتبلانا

بسم الله الرحمن الرحيم
&&يالله تحفضنا&&
&&&&####&&&&####
يالله تحفظنا وﻻتبلانا ..
وراع الضغاين ردنا من دونه
ومن الحسد بحمايتك تحمانا ..
وجعل الحسودي بالرمد فعيونه
وعن كل شين بقدرتك تنهانا ..
وعن الغرام ولوعته وجنونه
فالناس من مبداه زي مبدانا ..
يعطي الحقوق وﻻفضح مكنونه
ممشاه للقمه ولو خاوانا ..
جاب الثريا والنجوم وكونه
عز الرفيق ومشيته تبرانا ..
للمال مايحسب وﻻ مفتونه
وأبوي مطلق بالضفر وصانا ..
خاو السنافي وين ماتلقونه
واﻻ الردي جعله فدا لعدانا ..
وﻻتقربه وﻻتخاشره ماعونه
اليا طلبنا راي ماقدانا ..
حذراك منه طرقته ملعونه
بعض الدروب شيوخ ماتزهانا ..
حنا الشيوخ اﻻسم من مظمونه
نمشي على العليا وﻻتعضانا ..
كل الخطاوي بذهب موزونه
سبحان ربي بالكرم غطانا ..
جزل العطايا جل من يرجونه
والناس واجد مير ﻻتحدانا ..
الا عليك وأنت ربي عونه
ويالله تحفضنا وﻻتبلانا ..
وراع الضغاين ردنا من دونه

الشاعر / وهيب مطلق الشيخ