تفداك يمناي وماحاشت ذراعي

السلام عليكم ورحمة الله وبركاته
الاخوه الاعضاء هذه قصيده موجه للاخ العزيز الشاعر الصييفي
وهو شاعر بيني وبينه معرفه سابقه
ويسعدني يابو زيد ان اوجهلك هذه الابيات والعذر على القصور

درست بالايام حسب اطلاعي = واشد حرف القاف مبدا مشده
وحاسب حساب لقدر مابعد ضاعي = والقدر جوف الصدر صاعه ومده
ياذخري اللي يرتفع يارتفاعي = ماطاع بي هرج الوجيه المصده
ترى القضاعي مايعادي قضاعي = كانك حزامي والظهر فيك اشده
من غير شر بخيرين المساعي = قومن لهم بالطيب ماقف نعده
ولولاك ماسطر بحبر اليراعي = ومايصدف الطاري على البال بده
ماني بنايم صاحي القلب واعي = وابدي واروز الظلع واعرف سده
واجيك وعيون النشاما تراعي = على النقا المجرود طيب وموده
تفداك يمناي وماحاشت ذراعي = ومثلك يمون ومد يمناك مده
محدن يبي يحد الكريم الشجاعي = على الكرم والعز طبعه يحده
واقفا زمن واقبل زمن والطياعي = مثل الجيل ماتزول لو بعد مده
والفرق واقع بين ساعي وساعي = والماضيه ماهي كما المستجده
علم وخبر يامصغي الاستماعي = اذكرك والذاكره تسترده
وانته رجل عني معاك انطباعي = بواينه بانت ولاني بضده
وانا دليله وانت منت بضياعي = ان ماخلفتك الهاجس المستبده
اللي عثر بك واشترى واستباعي = لاتجامله رد البرا جاك رده
لاتكنها وتروح فيها تداعي = بده بها ياحر والصدق بده
ولا لاتنشر علم مافيه داعي = المحترم يلزم ملازيم حده
للناس مايخفا خفا باستطاعي = اميز الرجال هزله وجده
والجاهل اللي في سنين الرضاعي = اللي مايحمى القول ماهو بقده
ولا انت يابو زيد للحق راعي = بنيأ بنيته ياجودي لاتهده
الحق له عراف فيه اقتناعي = واللي يعرف العلم يعرف مرده