( عـــــرش حــــــــــــبّـــــــــــــــك )

/
/
/
/
/
/
/
/
/
/
/
/
/

احذر الظّلم كم زحزح عروش=اهلها بالرّخا متونّسين
خذ دليلي وفكرك لايشوش=واذكر اللي من اول حاكمين
يوم دمّ الشّعوب اصبح يغوش=من معمّر وزين العابدين
ماانفعتهم جيوش ولا قروش=راحوا افراد ماهم محتمين
وكان حسني محيّاه البشوش=ينبي بنعمته للحاسدين
واليماني يصفّ من الجيوش=ماكفت عنه كيد الحاقدين
يوم جاهم رجالٍ كالوحوش=قام طلب المدّين والمدين
وباقيٍ جحش من منسب جحوش= في دمشق المذلّه له تبين
جبت لك وعض شابت له رموش=من قهرها تتابع للونين
اعرف انّ الزّمن طبعه غشوش=والليالي تسرّ العادلين
وعرش حبّك بظلمك لاتنوش=فعلتك تندمك لو بعد حين
قصر حبّك مزيّن بالنّقوش=بارض مهجة مودّك له حنين
وآخر القول اقولّك لاتشوش=قطع حبل الوصل للمجرمين

الشّاعر/ خالد بن عبيد بن معتوق ألأحمدي