بديع الفرايد

هذي قصيدة نظمتها في شاعر حرب المغفور له
بمشئة الله تعالي (صياف الحربي) أقول فيها

الله يعظّم أجر بيت القصيده=ويحسن عزانا في بديع الفرايد
يشكي ونبكي من موادع فقيده=ماله شبيهٍ في جميع البدايد
إمن المثايل مايخلّص رصيده=ماهن هزال وكل أبوهن جدايد
الشعر عقبه بات ينزف وريده=وأصبح عليه الصبح هالك وبايد
في ساحة المعنى قرينه نديده=عن جيله إمن الغير فارق وزايد
طلاسمه مضمون جمله مفيده=مدفونةٍ في لغز بالحيل كايد
في ظاهر المغزى تصنّف زهيده=دهاء ذيب وحسن تدبير قايد
لاجيت أبحصرها المزايا العديده=تاريخ ماتوفيه غرّ القصايد
أنا أشهد إنه فاجعتنا وليده=عساه للجنّه بديع الفرايد

عبدالملك الرحيلي